CAꞌP SAMUEL
Txꞌolbil Xoꞌl Yi Liwreꞌj
Yi liwr tetz Caꞌp Samuel na ẍchaj sketz yi mbi cuꞌn mbajij yi teleꞌn tiemp te yi nsken wit chiquim yi rey Saúl tu Jonatán. Nchaꞌtz na ẍchaj sketz yi xtxolbil yi tal Luwiy tan paj yi bis oꞌkl yi ban iꞌ scye yi eꞌ almaꞌaꞌtz. Nin na kil yi mbi cuꞌn ban iꞌ yi toqueꞌn cyen tetz chireyil yi eꞌ aj Judá.
Nchaꞌtz na ẍchaj sketz yi balajil yi cawuꞌn yi mban Luwiy squibaj eꞌ xonl Israel. Poro nchaꞌtz na ẍchaj sketz yi eꞌchk paltil iꞌ tu eꞌchk til yi jal swutz Kataj Ryos.
Yi Weklil Yi Liwreꞌj
Yi bajx wekl (Cap. 1–4) na jilon te yi cawuneꞌn Luwiy squibaj yi eꞌ aj Judá.
Yi caꞌp wekl (Cap. 5–24) na jilon te yi cawuneꞌn Luwiy squibaj yi coblaj kꞌuꞌj xonl Israel.
a. (Cap. 5–10) yi mbi mbajij te yi toqueꞌn iꞌ tan cawuꞌn.
b. (Cap. 11:1–12:25) yi xtxolbil tetz David tu Betsabé.
c. (Cap. 12:26–20:26) yi eꞌchk il yi ul swutz Luwiy.
d. (Cap. 21–24) yi mbi mbajij tul yi eꞌchk wiꞌtzbil tiemp te yi na cawun tzaj iꞌ.