RUT
Txꞌolbil Xoꞌl Yi Liwreꞌj
Yi liwreꞌj iꞌtz jun xtxolbil te yi mbi mbajij te jun najal aj Israel tul yi tiemp yi na chicawun tzaj yi eꞌ pujul xtisyaꞌ tibaj Israel. Na xtxol yi liwreꞌj sketz yi ẍeꞌn cuꞌn ban Rut yi aj Moab, nin yi ẍeꞌn cuꞌn cyumeweꞌn tu Booz. Nin yi niꞌ yi njal te jun okꞌbeꞌn ibaꞌtz, yaꞌstzun jun scyeri mam cyen Kajcaw Jesús.
Nchaꞌtz na ẍchaj sketz yi cꞌulutxumil Rut. Wech na awernak iꞌ ẍchixoꞌl yi eꞌ aj Israel, ma na ja takꞌ tib tkꞌab Ryos tetz cuꞌn talmaꞌ nin ja takꞌ tib tan xomeꞌn te Noemí yi xtxuꞌ yi kꞌajtzun chmil.
Nchaꞌtz na ẍchaj sketz yi list Ryos tan cꞌulcheꞌn alchok jilwutz wunak, yi tetz cuꞌn talmaꞌ na kꞌukeꞌ cꞌuꞌl teꞌj iꞌ. Na yi tetz tajbil iꞌtz tan chiclaxeꞌn alchok jilwutz wunak.