Yi amaꞌl yi akꞌlij scyetz yi eꞌ xonl Simeón
19
1 Itzun yi caꞌp amaꞌl yi oc swertiꞌn teꞌj, yaꞌstzun akꞌlij scyetz yi eꞌ xonl Simeón. Xom quen tuꞌ te yi jujun kꞌuꞌj eꞌ. Choꞌn tzun cyajeꞌn cyen chiꞌamaꞌl xoꞌl chiꞌamaꞌl yi eꞌ xonl Judá. 2 Je yi eꞌchk tnumeꞌj yi akꞌlij scyetz. Akꞌlij yi tnum Beerseba, tu Seba, tu Molada, 3 Hazar-sual, Bala, Ezem. 4 Nchaꞌtz yi Eltolad, Betul, nin Horma, 5 Siclag tu Bet-marcabot, tu Azar-susa, 6 Bet-lebaot tu yi Saruhen. Oxlaj tzun tnum tuml yi eꞌchk aldeyil yi at chicwent.7 Nchaꞌtz akꞌlij yi coboxt tnumeꞌj scyetz: Yi En-rimón, Eter, tu Asán, tuml yi eꞌchk aldeyil, 8 tuml cyakil yi eꞌchk aldeyil yi at jalen Baalat-beer, yi nchaꞌtz na biꞌaj Ramat, cwent Néguev. Yaꞌstzun yi eꞌchk amaꞌl yi akꞌlij scyetz yi eꞌ xonl Simeón.a 9 Yi eꞌchk amaꞌlaꞌtz yi akꞌlij scyetz yi eꞌ xonl Simeón, choꞌn at le chiꞌamaꞌl yi eꞌ xonl Judá. Na yi eꞌ xonl Judájaꞌtz nim cyetz chiꞌamaꞌl akꞌlij. Chaꞌstzun te akꞌlij muꞌẍ scyetz yi eꞌ xonl Simeón.
Yi amaꞌl yi akꞌlij scyetz yi eꞌ xonl Zabulón
10 Ma yi toxiꞌn amaꞌl yi oc swertiꞌn teꞌj, cyetz yi eꞌ xonl Zabulón ban. Choꞌn toponeꞌn chimojom jalen Sarid. 11 Nin na ocpon chimojom jalen Marala, nin na opon jalen Dabeset. Nin choꞌn na opontz jalen kale atiteꞌt yi tal neꞌẍ aꞌ, yi at swutz Jocneam. 12 Yi na el Sarid, na bentz leꞌlnak tziꞌn, na opontz Quislot-tabor, nchaꞌtz na icyꞌaktz Daberat. Nin choꞌn na jepontz Jafía. 13 Kalenaꞌs tzun na el jalen Gat-hefer, na icyꞌak Ita-cazín, nin na opon Rimón, nchaꞌtz na xaꞌk tzaj tan welt Nea. 14 Ma yi mojom jeꞌn tziꞌn, na xaꞌk tzaj tan welt le amaꞌl Hanatón, nin na elpon le jocoꞌj Jefte-el. 15 At coblaj tnum le amaꞌlaꞌtz tuml yi eꞌchk aldeyil. Yi chibiꞌ yi eꞌchk tnumaꞌtz iꞌtz: Catat, Naalad, Simrón, Idala tu Belén. 16 Yaꞌstzun yi amaꞌlaꞌtz tuml yi eꞌchk aldeyil yi akꞌlij scyetz yi eꞌ xonl Zabulón. Xomquen tuꞌ te tajlal yi jujun kꞌuꞌj eꞌ yi chixonl quib.
Yi amaꞌl yi akꞌlij scyetz yi eꞌ xonl Isacar
17 Yi cyajiꞌn amaꞌl yi oc swertiꞌn teꞌj iꞌtz yi akꞌlij scyetz yi eꞌ xonl Isacar, nin xomquen tuꞌ te yi jujun kꞌuꞌj eꞌ yi chixonl quib. 18 Yi cyꞌanl tetz yi chiꞌamaꞌl iꞌtz, yi eꞌchk tnum Jezreel, Quesulot, Sunem. 19 Hafaraim, Sihón tu Anarahat. 20 Nchaꞌtz yi tnum Rabit, Quisión tu Abez. 21 Remet tu En-ganim, En-hada tu Bet-pases. 22 Nin yi mojomil na opon Tabor Sahazima tu Bet-semes nin na opon stziꞌ yi tzanlaꞌ Jordán. Cyakil yi amaꞌlaꞌtz iꞌtz waklaj tnum tuml yi eꞌchk aldey yi at chicwent. 23 Nin yaꞌstzun yi amaꞌl yi akꞌlij scyetz yi xonl Isacar. Xomquen tuꞌ te yi jujun kꞌuꞌj eꞌ.
Yi amaꞌl yi akꞌlij scyetz yi eꞌ xonl Aser
24 Yi toꞌiꞌn amaꞌl yi oc swertiꞌn teꞌj iꞌtz yi akꞌlij scyetz yi eꞌ xonl Aser. Nin xomquen tuꞌ te yi jujun kꞌuꞌj eꞌ. 25 Yi amaꞌlaꞌtz iꞌtz kale atit yi eꞌchk tnum Helcat Halí, Betén tu Acsaf, 26 tu yi Alamelec, Amad tu Miseal. Te yi jalaj xlajaꞌtz, ja aj loꞌcnak, jalen wiꞌwtz Carmelo tu Sihor-libnat. 27 Ma yi jalaj teleꞌn tziꞌn na opon jeꞌn tziꞌn Bet-dagón, nin na opon xlaj yi chiꞌamaꞌl yi eꞌ xonl Zabulón yi at ẍkꞌajlaj Jefte-el, tu Betemec, Neiel, nin na opon Cabul. 28 Cyakil yi amaꞌlaꞌtz iꞌtz yi cyꞌanl tetz yi amaꞌl Abdón, Rehob, Hamón tu Caná, jalen yi na opon te yi jun chin wutzileꞌn tnum Sidón. 29 Nchaꞌtz yi mojom na opon jalen Ramá. Ej, nin na opontz le yi tnum Tiro, yi at tapij teꞌj. Nintzun na bentz jalen te yi amaꞌl Hosa, nin na opon tzi yi mar Mediterráneo tu Mahaleb, nin Aczib. 30 Nchaꞌtz opon cunin yi mojomaꞌtz jalen Uma, Afec nin Rehob. Junak cob tzun tnum tu yi eꞌchk aldeyil. 31 Yaꞌstzun yi eꞌchk amaꞌl yi akꞌlij scyetz yi eꞌ xonl Aser. Xomquen tuꞌ teꞌj yi jujun kꞌuꞌj eꞌ yi chixonl quib.
Yi amaꞌl yi akꞌlij scyetz yi eꞌ xonl Neftalí
32 Yi kakiꞌn amaꞌl yi oc swertiꞌn teꞌj iꞌtz yi akꞌlij scyetz yi eꞌ xonl Neftalí. Xomquen tuꞌ te yi jujun kꞌuꞌj eꞌ.
33 Yi mojomil yi chiꞌamaꞌl, na opon jalen Helef, Alón-saanamin tu Adáni-neced, tu Jabneel jalen Lacum, nin na opontz jalen Jordán. 34 Nin na ajt loꞌcnak tziꞌn jalen Aznot-tabor tu Hucoc. Ma yi cweꞌn tziꞌn, na opon te yi chiꞌamaꞌl yi eꞌ xonl Zabulón. Ma yi toqueꞌn tziꞌnaꞌtz na opon te yi chiꞌamaꞌl yi eꞌ xonl Aser. Ma yi teleꞌn tziꞌn na opon yi chimojom kale atit yi tzanlaꞌ Jordán.
35 Ma yi eꞌchk tnum yi at tapij teꞌj yi akꞌlij scyetz iꞌtz: Sidim, Zer, Hamat, Racat, Cineret, 36-38 Adána, Ramá, Hazor, Cedes, Edrei, En-hazor, Irón tu Migdal-el nin Horem, Bet-anat tu Bet-semes. Cyakil yi eꞌchk tnumaꞌtz iꞌtz belujlaj, tuml yi eꞌchk aldey yi at nakaꞌjil. 39 Yaꞌstzun yi eꞌchk tnum, yi akꞌlij scyetz yi eꞌ xonl Neftalí. Xomquen tuꞌ te yi jujun kꞌuꞌj eꞌ yi chixonl quib.
Yi amaꞌl yi akꞌlij scyetz yi eꞌ xonl Dan
40 Yi jukiꞌn amaꞌl yi oc swertiꞌn teꞌj yaꞌstzun yi akꞌlij scyetz yi eꞌ xonl Dan. Xomquen tuꞌ te yi jujun kꞌuꞌj eꞌ yi chixonl quib.
41 Tul yi eꞌchk amaꞌlaꞌtz at yi eꞌchk tnum: Zora, Estaol, Ir-semes, 42 Saalabín, Ajalón, Jetla, 43 Elón, Timnat, Ecrón, 44 Elteque, Gibetón, Baalat, 45 Jehúd, Bene-berac, Gat-rimón, 46 Mejarcón tu Racón, tu yi amaꞌl yi at swutz yi tnum Jope. 47 Poro quinin xcyeꞌ yi eꞌchk amaꞌlaꞌtz scyeꞌj yi eꞌ xonl Dan. Chibeneꞌnt tzun tan oyintziꞌ scyeꞌj yi eꞌ aj Lesem. Nin eꞌ xcyeꞌ scyeꞌj, na eꞌ quim cyakil yi eꞌ wunak cyaꞌn yi ateꞌ-tz le yi tnumaꞌtz. Nin ja cyetzaj yi amaꞌlaꞌtz. Nchaꞌtz jeꞌ chitxꞌixpul yi biꞌ yi tnumaꞌtz, nin oc cyaꞌn tetz Dan, na yaꞌstzun biꞌ chimam cyen.b
48 Yaꞌstzun yi eꞌchk amaꞌl yi akꞌlij scyetz yi eꞌ xonl Dan. Akꞌlij yi eꞌchk tnumaꞌtz tuml yi eꞌchk aldeyil scyetz. Xomquen tuꞌ te yi jujun kꞌuꞌj eꞌ yi chixonl quib.
Yi amaꞌl yi akꞌlij tetz Josué
49 Yi wiꞌt jatxleꞌn yi chiꞌamaꞌl cyakil yi eꞌ xonl Israel, nintzun akꞌlij muꞌẍ tetz Josué. 50 Akꞌlij yi tnum Timnat-sera yi at wiꞌwtz Efraín tetz Josué, na yaꞌstzun yi amaꞌl yi jak iꞌ, nin alijt cyen tan Kataj yi yaꞌstzun sbneꞌ. Nintzun oc Josué tan banleꞌn jun tnum, nin choꞌn najeweꞌn iꞌ-tz.
51 Yaꞌstzun yi eꞌchk amaꞌl yi baj chijatxol Josué tu Eleazar yi paleꞌ, scyuchꞌ yi eꞌ wiꞌ banl wiꞌ scyetz yi eꞌ xonl Israel. Nin swutz cuꞌn Ryos yi toqueꞌn txꞌiluꞌn teꞌj. Choꞌn toqueꞌn txꞌiluꞌn teꞌj swutz yi amaꞌl Siló, kale na chicꞌulwit quib Ryos scyuchꞌ yi eꞌ xonl Israel.
Yaꞌstzun ban Ryos tan jatxleꞌn cuꞌn cyakil yi amaꞌl ẍchiwutz yi eꞌ xonl Israel. Tircuꞌn ncuꞌ jatxij.