Yi chiꞌamaꞌl yi eꞌ xonl Judá
15
1 Je yi amaꞌl yi jatxlij scyetz yi eꞌ xonl Judá yi toqueꞌn txꞌiluꞌn teꞌj. Nin je yi mojomileꞌj: 2 Te yi jalaj cweꞌn tziꞌn, choꞌn na xeꞌtij stziꞌ yi mar yi chin cꞌaꞌ nin tan atzꞌum,a kale na icyꞌeꞌt chimojom yi eꞌ aj Edom, 3 nin na icyꞌak ẍinaꞌj Acrabim, nin na icyꞌak le amaꞌl tzꞌinunin tuꞌ cwent Zin. Nchaꞌtz na icyꞌak tzakꞌ cuꞌn Cades-barnea, nin na opon Hezrón, nin na jeꞌ tcuꞌn Adar. Kalenaꞌs tzun na ben tan takꞌleꞌn welt jalen Carca. 4 Nin na xomnin le xoꞌmbil aꞌ yi na biꞌaj aꞌ Tetz Egipto, jalen yi na opon tzi yi mar Mediterráneo. Yaꞌstzun chimojom bantz te yi jalaj cweꞌn tziꞌn.5 Ma yi mojomil chiꞌamaꞌl tetz teleꞌn tziꞌn iꞌtz cyakil tkanil yi mar yi chin cꞌaꞌ nin tan atzꞌum, jalen te yi amaꞌl kale na tzajpont yi tzanlaꞌ Jordán.
Ma yi mojomil chiꞌamaꞌl jeꞌn tziꞌn, choꞌn na xeꞌtnin kale na tzajpont wiꞌ yi tzanlaꞌ Jordánaꞌtz stziꞌ yi mar yi chin cꞌaꞌ nin tan atzꞌum. 6 Choꞌn na jeꞌul Bet-hogla. Nin na jeꞌul Bet-arabá. Nin na ultz kale atit yi wutz cꞌub tetz Bohán, jun scyeri xonl Rubén. 7 Kalenaꞌs tzun na jeꞌultz wi ẍkꞌajlaj cwent Acor. Nin na ultz Debir. Choꞌn tzun na cuꞌultz Gilgal, swutzeꞌl tzaj yi txalaꞌj cwent Adumín tzakꞌ cuꞌn yi xoꞌmbil aꞌ. Nintzun na icyꞌ cuꞌntz kale na itzꞌeꞌt yi aꞌ En-semes, nin na xomnintz jalen En-rogel. 8 Nin na icyꞌ cuꞌntz le ẍkꞌajlaj cwent Ben-hinom, tzakꞌ cuꞌn Jebús nka Jerusalén. Nin na jeꞌ cuꞌntz wiꞌwtz swutz cyen yi ẍkꞌajlaj cwent Hinom, tibeꞌn yi ẍkꞌajlaj Refaim. 9 Choꞌn tzun na takꞌ welt jalen wiꞌwtz kale na itzꞌeꞌt yi aꞌ Neftoa. Kalenaꞌs tzun na icyꞌtz wi Efrón. Nin na icyꞌpon jalen Baala. Yi jun amaꞌlaꞌtz nchaꞌtz na biꞌaj Quiriat-jearim.
10 Kalenaꞌs tzun na ben loꞌcnak tziꞌn tibaj yi wiꞌwtz Seir. Na icyꞌaktz le amaꞌl Quesalón swutzeꞌn yi wiꞌwtz Jearim. Nintzun na cuꞌ-tz Bet-semes, nin na icyꞌaktz Timna. 11 Nchaꞌtz na icyꞌaktz txalaꞌj tibeꞌn Ecrón. Kalenaꞌs tzun na stzꞌuy nin tibtz jalen Sicrón. Na icyꞌ cuꞌntz wi juꞌwtz Baala. Kalenaꞌs tzun na opontz Jabneel, nin choꞌn na tzaj pon wiꞌ yi chimojom jalen tzi mar Mediterráneo.
12 Ma mojomil chiꞌamaꞌl yi eꞌ xonl Judá te yi jalajt xlaj toqueꞌn tziꞌn, iꞌtz yi tzi mar Mediterráneo. Yaꞌstzun eꞌchk mojomil yi amaꞌl yi oc tetz cyetz yi eꞌ xonl Judá. Nin jatxij cuꞌn ban ẍchiwutz yi jujun kꞌuꞌj eꞌ yi chixonl quib.
Yi cambal Caleb yi amaꞌl Hebrón tu Debir
13 Nchaꞌtz takꞌ Josué herens Caleb, yi cyꞌajl taꞌ Jefone. Yi amaꞌlaꞌtz iꞌtz Quiriat-arba, yi nchaꞌtz na biꞌaj Hebrón, yi choꞌn at cwent yi chiꞌamaꞌl yi eꞌ xonl Judá. Nin iꞌtz chiꞌamaꞌlbeꞌn yi eꞌ xonl yi jun chin wutzileꞌn yaj yi na biꞌaj Anac. Yaꞌstzun yi amaꞌl yi akꞌlij tetz Caleb, na yaꞌstzun talnak Kataj.
14 Beneꞌn tzun Caleb tan oyintziꞌ tan chilajeꞌn len yi ox xonl Anac yi ateꞌ swutz yi amaꞌlaꞌtz. Yi chibiꞌ yi ox xonl Anacaꞌtz iꞌtz: Sesai, Ahimán, nin Talmai.b 15 Ma yi cyeleꞌn lajul, kalenaꞌs tzun beneꞌnt tan oyintziꞌ scyeꞌj yi eꞌ yi najlcheꞌ Debir. Quiriat-sefer biꞌ yi jun amaꞌlaꞌtz tenẍchan. 16 Yi toponeꞌn Caleb Debir, nintzun taltz: “Swakꞌeꞌ inmeꞌl Acsa tetz txkel yi jun yil xcyeꞌ tan cambajeꞌn yi amaꞌleꞌj.”
17 Yi jun yi xcyeꞌ tan cambajeꞌn yi amaꞌlaꞌtz iꞌtz, Otoniel, yi cyꞌajl Cenaz, yi titzꞌun Caleb. Tkꞌol tzun Caleb yi meꞌltz tan toqueꞌn tetz txkel Otoniel. 18 Te yi eleꞌn tlen tuꞌ ateꞌt Otoniel tu Acsa xe caꞌl Caleb, nintzun tal Otoniel tetz Acsa: “Baꞌn tzajak junt piẍ amaꞌl tetz ataj kalel cweꞌt ujul kaꞌn.” Cweꞌn tzaj tzun Acsa tibaj yi buruꞌ. Nintzun bentz swutz yi taj. Beneꞌn tzun jakol yi taj tetz:
—Aẍ jun cꞌoloj inmeꞌl. ¿Mbiꞌtz na icyꞌ tacꞌuꞌl?
19 —Taꞌ, na kloꞌ waj tzinjak jun pawor teruꞌ, chij. —Ja wiꞌt takꞌuꞌ katxꞌotxꞌ le amaꞌl tzꞌinunin tuꞌ, cwent Néguev. Ma jaluꞌ na kloꞌ waj yil takꞌuꞌ muꞌẍt kaꞌamaꞌl kale na itzꞌeꞌt aꞌ, stzun iꞌ.
Tkꞌol tzun Caleb yi eꞌchk amaꞌl tetz Acsa yi at wiꞌwtz, nin yi at ẍkꞌajlaj, kale na itzꞌeꞌt eꞌchk aꞌ.
Yi eꞌchk tnum yi chicambaj eꞌ xonl Judá
20 Je chibiꞌ yi eꞌchk amaꞌl yi jatxlij tetz yi jujun kꞌuꞌj xonl Judá. 21 Yi chibiꞌ yi eꞌchk tnum tetz cweꞌn tziꞌn nakaꞌjil yi mojom tu Edom, iꞌtz, Cabseel, Edar tu Jagur. 22 Nchaꞌtz Cina, Dimona, Adada. 23 Cedes, Hazor, Itnán. 24 Zif, Telem tu Bealot. 25 Hazor-hadata, Quiriot, Hezrón (yi iteꞌn nin iꞌaꞌtz yi Hazor). 26 Ej, nin nchaꞌtz yi tnum Amam, Sema, Molada. 27 Hazar-gada, Hesmón, Bet-pelet. 28 Hazar-sual, Beerseba, Bizotia. 29 Baala, Iim, Esem. 30 Eltolad, Quesil nin Horma. 31 Nin Siclag, nin Madmana tu Sansana. 32 Ej nin Lebaot, Silhim, Aín tu En-rimón. Junak beluj tnum akꞌlij scyetz tuml yi eꞌchk aldey yi at cwent. 33 Ma yi eꞌchk tnum yi choꞌn at le ẍkꞌajlaj iꞌtz: Estaol, Zora, Asena. 34 Nchaꞌtz Zanoa, En-ganim, Tapúa, Enam, 35 Jarmut, Adulam, Soco, Azeca. 36 Tu yi eꞌchk tnum Saaraima, Aditaim, Gedera tu Gederotaim. Yaꞌstzun yi cyajlajt tnum tuml yi eꞌchk aldey yi at chicwent.
37 Nchaꞌtz at yi eꞌchk tnum Zenán, Hadasa, Migdal-gad. 38 Dileán, Mizpa tu Jocteel. 39 Nin Laquis, Boscat, Eglón. 40 Cabón, Lahmam, Quitlis, 41 Gederot, Bet-dagón, Naama tu Maceda. Waklajt tzun tnum tu yi eꞌchk aldey yi at chicwent.
42 Nchaꞌtz Libna, Eter, Asán, 43 Jifta tu Asena, Nezib. 44 Tu Keila, Aczib nin Maresa. Belujt tnum tu cyakil yi eꞌchk aldey yi at cwent.
45 Ej, nin nchaꞌtz yi tnum Ecrón tu yi eꞌchk neꞌẍ tnum, tu eꞌchk aldey yi at cwent. 46 Nchaꞌtz yi eꞌchk tnum yi ateꞌ le amaꞌl yi at xoꞌl Ecrón tu yi mar, tu yi eꞌchk neꞌẍ tnum yi ateꞌ nakaꞌjil Asdod, tu eꞌchk aldey yi at chicwent.
47 Nchaꞌtz yi tnum Asdod, tu cyakil yi cyꞌanl tetz tu yi eꞌchk neꞌẍ tnum tu yi eꞌchk aldey yi at cwent. Nchaꞌtz Gaza, tuml yi eꞌchk neꞌẍ tnum tu aldey yi ateꞌ cwent. Tircuꞌn eꞌchk tnumaꞌtz jalen te yi xoꞌmbil aꞌ cwent Egipto, jalen stzi mar Mediterráneo.
48 Ma jalen wiꞌwtz, akꞌlij scyetz eꞌ xonl Judá yi eꞌchk tnum yi na biꞌaj Samir, Jatir, Soco, 49 Dana, Quiriat-sana (yi iꞌtz Debir). 50 Anad, Estemoa, Anim. 51 Nchaꞌtz yi Gosén tu Holón nin Gilo. Junlajt tzun tnum tu yi eꞌchk aldey yi ateꞌ chicwent.
52 Nchaꞌtz yi tnum Arad, Duma, Esán. 53 Tu yi Hanum, Bet-tapúa nin Afeca. 54 Ej nin Humta, Quiriat-arba (yi iteꞌn nin iꞌaꞌtz Hebrón) tu Sior. Belujt tzun tnum tuml yi eꞌchk aldey.
55 Nchaꞌtz Maón, Carmel Zif, Juta, 56 tu Jezreel, nin Jocdeam. Ej nin Zanoa. 57 Caín, Gabaa, tu Timna. Lajujt tnum tu yi eꞌchk aldey. 58 Nchaꞌtz yi eꞌchk tnum, Halhul, Bet-sur, Gedor, 59 tu Maarat, Bet-anot tu Eltecón. Kakt tnum tu yi eꞌchk aldey.
60 Ma Quiriat-baal (yi iteꞌn nin iꞌaꞌtz yi Quiriat-jearim) tu Rabá. Iꞌtz cobt tnum tu yi eꞌchk aldey.
61 Nchaꞌtz yi eꞌchk tnum yi at le amaꞌl tzꞌinunin tuꞌ, Bet-arabá, Midín tu Secaca, 62 Nibsán, yi tnum tetz atzꞌum, tu En-gadi. Kakt tzun tnum tu yi eꞌchk aldeyil.
63 Ma yi eꞌ xonl Jebús yi choꞌn najlcheꞌ Jerusalén, quinin eꞌ xcyeꞌ yi eꞌ xonl Judá tan chilajeꞌn len swutz yi chiꞌamaꞌl. Ma na choꞌnin najlcheꞌ ẍchixoꞌl yi eꞌ xonl Judá, nin ateꞌ nintz jaluꞌ.c