Yi eꞌ rey yi eꞌ quim cyakꞌun yi eꞌ xonl Israel
12
1 Yi eꞌchk amaꞌl yi cyetzaj yi eꞌ xonl Israel iꞌtz: Cyakil yi amaꞌl yi na xeꞌt tzaj te yi tzanlaꞌ Arnón, jalen te yi wutz Hermón, cyakil yi eꞌchk amaꞌl yi at swutz len yi tzanlaꞌ Jordán. 2 Yi chibiꞌ yi eꞌ rey yi eꞌ quim cyakꞌun iꞌtz: Yi rey tetz Sehón, yi chireyil yi eꞌ amorreo, yi choꞌn najlij le tnum Hesbón, iꞌ ajcaw tibaj cyakil yi amaꞌl yi choꞌn na xeꞌtnin le tnum Aroer, yi at tzi tzanlaꞌ Arnón, jalen te yi tzanlaꞌ Jaboc, kale atit chimojom yi eꞌ amonita. Nchaꞌtz cawunak iꞌ tibaj jalaj te yi amaꞌl Galaad. 3 Nchaꞌtz cawunak iꞌ tibaj cyakil yi amaꞌl yi at swutz len yi aꞌ Jordán, yi choꞌn na xeꞌtij tzi yi aꞌ Cineret, jalen te yi mar yi chin cꞌaꞌ nin tan atzꞌum nka yi Cꞌaꞌ Mar. Nin opon te yi tnum Bet-jesimot, nin jalen xe wutz Pisga.4 Nchaꞌtz quim Og cyakꞌun yi rey cwent Basán. Yi Ogaꞌtz iꞌ yi wiꞌtzbil chixonl yi eꞌ refaita yi choꞌn najlcheꞌ le tnum Astarot, nin yi tnum Edrei. 5 Ej, nin yi eꞌchk amaꞌl yi at jakꞌ caꞌwl yi rey Ogaꞌtz sajleꞌn, iꞌtz yi amaꞌl yi choꞌn na xeꞌt tzaj mojomil xe wutz Hermón, tuml yi amaꞌl Salca, nin cyakil yi amaꞌl cwent Basán, nin oponak yi mojom jalen Gesur tu Maaca, nchaꞌtz na opon nicyꞌal Galaad, yi cob elnak tu Sehón, rey cwent Hesbón.a
6 Yaꞌstzun yi eꞌ reyaꞌtz yi eꞌ quim cyakꞌun Moisés scyuchꞌ yi eꞌ xonl Israel. Nintzun cuꞌ jatxol Moisés yi eꞌchk amaꞌlaꞌtz ẍchiwutz ox kꞌuꞌj scyeri yi eꞌ xonl Israel. Nin yi ox kꞌuꞌjaꞌtz iꞌtz: Yi eꞌ xonl Rubén, yi eꞌ xonl Gad, tu yi eꞌ xonl Manasésb yi cob cuntuꞌ elnakeꞌ.
7 Ma cyakil yi amaꞌl yi nchicambaj Josué scyuchꞌ yi eꞌ xonl Israel, iꞌtz yi at jalajicyꞌ tzaj yi aꞌ Jordán. Na xeꞌt nin Baal-gad, yi at Líbano, jalen te yi wiꞌwtz Halac yi at cweꞌn tziꞌn, swutzoꞌc tzaj yi wiꞌwtz Seir. Cweꞌn tzun jatxol Josué cyakil yi eꞌchk amaꞌlaꞌtz ẍchiwutz yi eꞌ xonl Israel, tetz chinajbil sbneꞌ opon tunintz. 8 Cuꞌ jatxol cyakil yi eꞌchk amaꞌl yi at wiꞌwtz tu yi ẍkꞌajlaj, tu amaꞌl yi at tzi aꞌ Jordán, tu yi eꞌchk txalaꞌj, tu cyakil eꞌchk amaꞌl yi tzꞌinunin tuꞌ, tu cyakil yi amaꞌl cwent Néguev. Cyakil yi eꞌchk amaꞌlaꞌtz yaꞌstzun yi chiꞌamaꞌlbeꞌn yi eꞌ hitita, yi eꞌ amorreo, nin yi eꞌ xonl Canaán, nin yi eꞌ ferezeo, nin eꞌ keveo, scyuchꞌ eꞌ jebuseo.
9-24 Ma jaluꞌ, je chibiꞌ yi eꞌ rey yi eꞌ quim cyakꞌun Josué: Yi rey tetz Jericó, tetz Hay, yi at nakaꞌjil Betel, rey tetz Jerusalén, tetz Hebrón, tetz Jarmut, tetz Laquis, tetz Eglón, tetz Gezer, tetz Debir, tetz Geder, tetz Horma, tetz Arad, tetz Libna, tetz Adulam, tetz Maceda, tetz Betel, tetz Tapúa, tetz Hefer, tetz Afec, tetz Sarón, tetz Madón, tetz Hazor, tetz Simrom-merón, tetz Acsaf, tetz Taanac, tetz Meguido, tetz Cedes, tetz Jocneam yi at Carmelo, tetz Dor yi at tzi mar, tetz Goim yi at cwent Gilgal, nin yi rey tetz Tirsa. Junak junlaj rey eꞌ quim cyakꞌun Josué scyuchꞌ yi eꞌ xonl Israel.