Josué i

JOSUÉ

Txꞌolbil Xoꞌl Yi liwreꞌj

Yi bajxom yi xcon tan Ryos tetz xel Moisés na biꞌaj Josué. Yi biꞌ yi jun Josuéjaꞌtz ja xcon tetz biꞌ yi liwreꞌj. Nchaꞌtz yi Josuéjaꞌtz iꞌ chibajxom yi eꞌ xonl Israel yi cyocomponeꞌn Canaán

Yi Weklil Yi Liwreꞌj

Yi bajx wekl (Cap. 1–12) na xtxol yi ẍeꞌn cuꞌn ban Josué scyuchꞌ yi eꞌ mas xonl Israel tan chicambal nin tan cyetzal yi amaꞌl yi na biꞌaj Canaán. Tul yi eꞌchk capítulo-aꞌs na jal eꞌchk xtxolbil kaꞌn chitaneꞌn:

Yi quicyꞌeꞌn wi tzanlaꞌ Jordán;

yi cweꞌn wocꞌ yi eꞌchk tapij tetz yi tnum Jericó tu yi tnum Hai;

yi xtxꞌamxeꞌn yi yaj Hazor, tu yi eꞌchk oyintziꞌ yi eꞌ ban tan chicambal wiꞌnin amaꞌl cwent Canaán.

Yi caꞌp wekl (Cap. 13–22) na xtxol yi ẍeꞌn cuꞌn ban Josué tan jatxleꞌn yi eꞌchk amaꞌl ẍchikꞌab yi jujun kꞌuꞌj xonl Israel. Ej nin nchaꞌtz na xtxol yi ẍeꞌn cuꞌn ban yi bixeweꞌn cobox tnum tan colol tib jun yaj yi ja quim jun tuchꞌ taꞌn yi nkꞌeꞌtz txumijt ntulej.

Yi toxeꞌn wekl (Cap. 23–24) na xtxol eꞌchk wiꞌtzbil yol yi tal Josué scyetz cyakil yi eꞌ xonl Israel yi txant tan quimeꞌn iꞌ. Nchaꞌtz na xtxol yi ẍeꞌn cuꞌn eꞌ ban tan quiwseꞌn yi trat yi bnixnak cyakꞌun chimam chiteꞌ tu Ryos. Na tzaj wiꞌ yi liwr tan yi xtxolbil yi ẍeꞌn cuꞌn chiquimeꞌn Josué tu yi paleꞌ Eleazar yi cyꞌajl Aarón.