Yohanis
pung Surat Kadua
Kata-Kata Partama
Sapa yang tulis surat ni: Orang yang tulis surat 2 Yohanis ni penatua jamaat satu yang nama Yohanis (1). Lia Kata-kata Partama kitab Yohanis deng surat 1 Yohanis.
Surat ni par sapa: Yohanis tulis surat ni par jamaat satu, mar seng jelas dong tinggal di mana. Mangkali Yohanis tulis surat ni par jamaat yang tarima surat 1 Yohanis.
Waktu Yohanis tulis surat ni, ada banya guru-guru parlente yang datang dalang jamaat la kasi balajar ajarang yang seng batul soal Yesus Kristus. Dong bilang kalo Antua seng parna datang ka dunya jadi manusia (7).
Mangapa Yohanis tulis surat ni: Yohanis tulis surat ni par kasi nasehat jamaat biar dong baku sayang (5-6). Dia jua kasi nasehat biar dong jaga dong pung diri, deng seng kasi biar orang parlente dong deng ajarang yang seng batul (8). Mala, dong jang tarima ka kasi suara guru-guru yang kasi balajar ajarang yang seng batul tu lai (10-11). Dong musti pegang kuat-kuat ajarang yang batul soal Kristus tu (1-2, 4, 8). Yohanis bilang, sapa yang seng iko Kristus pung ajarang la iko ajarang yang laeng, dia tu seng satu hati deng Allah (9).