28
Xaa nakap nxonn nixa nik tub xaa nanrenalt xaa;per lee xaa nali nalise nzhak yek xaa.
2 Gorna nzho dil leen yezh,
lee re xaa nabeyya nzhak zyen;
per gorna nzho yek xaa nabeyya,
wen nzhano re kwaan.
3 Xaa prob, xaa nlewann leeka saprob
nak mod yey xo kwaan nluux re kwaan mxeen xaa.
4 Xaa kwaan nlaa ley, nii xaa wen re xaa nle kwaan nawent.
xaa kwaan nle kwaan nii ley nayulat xaa kwaan ba.
5 Re xaa nakap nanlat kwaan nali yek xaa
per lee xaa nkwaan Xaa Tubka Nak rese nla yek xaa.
6 Xwara gak xaa prob, xaa nzho naz nali,
ke xaa rik, xaa nawent naz nzha.
7 Mad kwaan ngozhaw ley nak mad list;
per xaa nzhaal kwaan xmig, xaa kwaan nzhaw doo, ngoo xkalnto xuz.
8 Xaa kwaan ntoop doo kwaan nu ngo xinn demi,
per lee xaa nlesla ne re xaa prob, zee nzhak zyenra xcheen..
9 Dios nanzheklat gon xtizh re xaa,
xaa nanzheklat le kwaan nii ley.
10 Xaa kwaan nzhe xaa nali nak lo naz kwaan nawent
la xaa leeka lo xtramp xaa;
per lee xaa nali nak le gan zyen kwaan wen.
11 Lee xaa rik nle xgab nzhak doo;
per lee prob, xaa nzho yek, nzeen nawlit re xgab xaa rik.
12 Gorna lee re xaa wen nle gan,zee gro nle xaa yalni;
gorna lee re xaa nakap naxinn nzhak rese xaa nkaxlaan.
13 Xaa kwaan nkaxlaan xjwalt nadedt xaa wen,
per lee xaa mbezha nu mbachi loya nzhe xjwalt xaa zee.
14 Wen re xaa kwaan nzheb ne Xaa Tubka Nak,
per lee xaa nle ned lextoo la lo kwaan nawent.
15 Mod tub mbezh, ma mbazhe, nu mod tub gos, ma nlaan,
nak xaa nabeyy nawent, nle xaa nales re xaa yezh.
16 Xaa nabeyy, xaa nankanot xgab, ntezi xaa re xaa xaa;
per lee xaa kwaan nanzoblazht kano gro yalnaban.
17 Xaa mbit tub xaa,
gak xaa tub xaa kanze nu axta yet xaa;
Nu nik tub xaa nalet yud xaa.
18 Xaa wen nak, zee ban xche;
per lee xaa nakap la leen yeer.
19 Xaa kwaan nke doo gon, yo doo kwaan gaw;
xaa kwaan nchaab nu sbaasa nzo, nyilo nzhak prob xaa.
20 Xaa kwaan nali nak kayaa zyen doo kwaan;
per xaa kwaan nzhekla zoza gak rik tubka nzhob jwalt tich.
21 Nawent nalet xaa lal lo re xaa.
Axta kwent cheen tub chut yat nzho mod le xaa jwalt.
22 Xaa meskin nzoblazh zoza gak rik,
nu nanet xaa che lo xaa nze yalprob.
23 Gorna nyilo nded tyemp, ne wenra xaa
xaa ngalno ke xaa nii chul doo kwaan roo.
24 Xaa kwaan nle wann xuz o xnaa,
nu mbezh xaa: "Namlet na jwalt",
xaa zee nak xaa nyen re xaa nakap.
25 Xaa kwaan nzoblazh nkwaan dil,
lee xaa kwaan ngwii lo Xaa Tubka Nak gak xaa wen ded.
26 Xaa ned nak xaa ngwii leeka lo xgab cheen;
per lee xaa nze kwaan yalnzhak nle gan nroo lo rese kwaan nakap.
27 Xaa nzaa kwaan lo xaa prob nanzhakt xaa prob;
lee xaa nanzheklat le yud xaa, gak xaa xobde xaa.
28 Leezha nle re xaa nakap gan, zee nkaxlaan re myet,
gorna nlux xaa, zee lee re xaa nali nzhak zyen.