18
Xaa kwaan nebse nle xgab re xcheen nankanot xaa xmig xaa,nu nankayaat xaa re xgab wen.
2 Xaa ned nanzheklat seed xaa stub naz kwaan;
nebse nii xaa kwaan nzak xaa.
3 Re kwaan nakap nazhint techo,
nzenoya yalnto zee nxizhno xaa xaa.
4 Re wdizh cheen myet nak kwenta nis kwaan nzhi yal nu nech,
nu nak kwenta yuu pa nzhiib yalnzhak.
5 Nawent roo xaa xjabor xaa mle kwaan nawent
nu nawent naroot jabor xaa nik tub kwaan namlet.
6 Kwaan nii re xaa ned nle nyizhal dil
re wdizh kwaan nroo roo xaa nle nya golp xaa.
7 Roo xaa ned nak kwaan nluux xaa,
roo xaa nak tramp kwaan nluux leeka lee xaa.
8 Re diizh yix nak mod re duls kwaan chul doo ndaaw;
kwaan nzeeb axta leen lextoo xaa.
9 Re xaa jwloj lo xchinn
nak mod re xaa nluux kwaan.
10 Xaa Tubka Nak nak mod yoo nye nak;
lo lee xaa nya re xaa nali zee kanap xaa xaa.
11 Lo rik lee re xcheen xaa nak mod tub yezh kwaan nye nyaaw,
nu nak kwenta tub bla kwaan nsaawa nu naluxt.
12 Gorna nto xaa yalxwa zee yiyo xaa;
lee gorna nzhak nadoo xaa zee gak non xaa.
13 Yalned nu yalnto
nak nakenzhat xaa nu keb xaa sbaaga.
14 Zaa xaa yalnix lo xaa ne nzak nu gakwen xaa;
Per nyent mod le xaa gan chelee nales nzhak xaa.
15 Re xaa kwaan nzho yek nkano yalnzhak
re xaa kwaan nzhak nkwaan yalnzhak.
16 Nzelazh xaa kwaan zee nzho mod nii xaa lo tub xaa
nu axta lo re xaa non nzho mod zhin xaa.
17 Xaa kwaan nii xkwent yilotlaka nlu xaa nali nak xaa,
axtaka nzhin xaa nayii ne xaa nu nii xaa zee nlu mod mkade xaa yilo.
18 Ngo xaa swert zee nyilo nlux re dil
nu nluya cho kwaan nzhaal le re xaa.
19 Mod tub yezh kwaan nye doo nyaaw nak wechxinn xaa, xaa mle xaa kwaan nawent lo;
masra nye nak dil kwaan nkano re wech xaa lo rej cheen yezh.
20 Kad tub xaa nyazhe lextoo lo kwaan nii xaa
nu nyilo nyazhe lextoo xaa lo kwaan nzhedizh xaa.
21 Roo xaa nkano yalnabeyy zaa yalnaban nu yalgut;
xaa kwaan nzhedizh doo nkayaa kwaan nzenoya.
22 Xaa nka ngwnaa, nguzhal xaa zee yalnix
nu naka kwaan wen kwaan nzaa Xaa Tubka Nak.
23 Xaa prob nadoo nii;
lee xaa rik nkeb nye.
24 Nzho mig nlaa xaa,
nu nzho mig nyenra xaa mas ke wech xaa.