11
Nanyulat Xaa Tubka Nak re xaa nawent nchiix,per nyula xaa xaa wen nchiix.a
2 Lee yalxwa nzeno yalnto,
per lee xaa nadoo nkano yalnzhak.b
3 Lee kwaan wli nzhano xaa wen nak,
lee re xaa nakap nluux leeka yalnakap cheen xaa xaa.
4 Nanont kano xaa kwaan, mbizh kwaan naab Xaa Tubka Nak kwent,
per lee kwaan nali koo xaa lo yalgut.c
5 Lee re xaa nali nak, Dios wee xaa lo naz nali,
per lee kwaan nakap nluux re xaa nakap.
6 Lee kwaan wli ngoo re xaa nali nak,
per lee yalnzoblazh nluux re xaa nanalit nak.
7 Gorna nzhet xaa nakap, zee nlux kwaan nkambaz xaa;
nu nlux re xgab cheen xaa.
8 Xaa Tubka Nak ngoo xaa nali lo yalnales,
nu lee xlugar xaa nzo xaa nakap.d
9 Kwaan roo xaa nakap nluux xaa wechxinn xaa,
per lee yalnzhak nle yud re xaa nali nak,
10 Gorna wen nzha re nali nak, nzhak nix re xaa yezh,
noka gorna nzhet re xaa nakap, zee nle re xaa yalni.e
11 Gorna nii wen xaa nali nak, zee wen nded yezh,
per lee roo xaa nakap nluuxa.
12 Xaa nankanot yalnzhak nii nawent wechxinn,
per lee xaa nkano yalnzhak naniita.
13 Lee xaa nkwaan diizh nzhedizh xaa re kwaan nanzhalt wdizh xaa,
per lee xaa nali nak ngozhaw diizh.
14 Pa nyent xaa kwaan yalnzhak, zee nlux yezh,
lee pa nzho doo xaa nzaa konsej, lee yezh nxen.
15 Xaa zaa diizh kix dinn cheen xaa nanlabeyyt xaa, nawent rekeya lo xaa,
nu lee xaa nantachet kwaan wen nyu.f
16 Ngwnaa me wen nak nle xaa respet,
nu lee xaa nakap nebse nkano doo kwaan.
17 Lee xaa nadoo nak nle wen lo leeka lee xaa,
per lee xaa nakap nak, nkwaan xaa leeka yalne cheen xaa.
18 Lee re kwaan nle xaa nakap gan nak kwaan nanont,
xaa nxeen kwaan wli nle xaa gan kwaan wen.g
19 Lee kwaan wli nzhe xaa lo yalnaban,
per lee kwaan nakap nzhe xaa lo yalgut.
20 Nanyulat Xaa Tubka Nak xaa nakap nle xgab,
per nyula xaa re xaa nali nak.h
21 Wlipa na: Lee xaa nakap nkin kix kwaan nle,
per lee re xaa nali wen nroo.
22 Kwenta argoy or kwaan nzob xii kuch,
nak ngwnaa me chul doo nlu nu nachan nak.
23 Lee kwaan nzhekla xaa wen nak kwaan wen,
lee kwaan kambaz xaa nakap nak yalnayii.
24 Nzho xaa nselazh kwaan nu nkayaara xaa masra,
lee xaa kwaan nanselazht kwaan nzhaal selazh xaa zee nyilo nla xaa lo yalprob.i
25 Xaa nzaa zyen kwaan, wen nyu,
xaa nselazh kwaan noka nkayaara xaaya.
26 Lee xaa nkaxlaan nzhobxtil nu kar nto,
nxobde re xaa lo xaa,
per wen nii re xaa, xaa wen nto.
27 Xaa nreke tich kwaan wen, nyizhal xaa kwaan wen,
per lee xaa nreke tich kwaan nakap, kwaan nakap nzhin lo xaa.
28 Xaa ngwii lo kwaan nzhap nak mod tub yag ngool,
Per lee xaa nali nzhak naye kwenta yag.
29 Xaa nankanapt li nyentra cho kwaan nlake lo xaa,
nu lee xaa ned nke zhiin lo xaa nzhak.
30 Lee xle kwaan nzaa xaa nali nak mod yag cheen yalnaban,
nu lee xaa nle gan xaa nreke tich xaa, nak xaa nzhak.
31 Nel xaa wen nyizo kwaan lo yizhyo ne,
noka re xaa nakap nu xaa nle jwalt masra nkayaa kwaan nzhaal kayaa xaa.