Naab xaa yud lo Dios
Kwaan ngunaab David lo Dios leezha nzho xaa leen yiloo. Maskil.a
142
Kwaan roo na kwezh na Xaa Tubka Nak
nu kwaan roo na naab na zee lesla Xaa Tubka Nak ne na.
2 Lo xaa mbezh na re kwaan kadeed na;
nu lo xaa nii na re yalnales cheen na.
3 Gorna nyentra jwers na,
lu ne naz nzha na.
¡Naz kwaan nzha na,
mzob xaa tub tramp zen xaa na!
4 Wii,
nik tub xaa nanzot xkwes na le yud na.
Nankanot na pa kaxlaan na,
nu nyent cho nle xgab chelee na banaka na.
5 Xaa Tubka Nak,
mrezh na lu;
nii na lo lu:
“Lu nak xaa nkanap na
nu lu nak xaa nsaaw na lo re xaa nzho lo yizhyo ne”.
6 Kenzha xtizh na nel nales doo nzhak na;
kanap na lo re xaa nrenal na,
nel ngezhra xaa lo na.
7 Loo na lozhyib zee gol na lo lu.
Re xaa nali nak kwi dub welt lo na,
gorna wen mle lu lo na.