Naab xaa, zee kanap Dios xaa
Salm kwaan mkee David.
141
Xaa Tubka Nak,
lo lu nii na;
le prad te le yud na,
kenzha xtizh na,
gorna nii na lo lu.
2 Zhin kwaan nii na lo lu kwenta yaal,
lo lu lep na yaa na,
nak kwenta gon kwaan nzaa xaa mzhel yizhyo.
3 Xaa Tubka Nak,
saaw roo na;
kanap roo na.
4 Nalaat lu gwii na lo kwaan nawent,
nalaat lu le na kwaan nakap,
kwaan re xaa nle kwaan nawent,
nixa nalaat lu gaw na kwaan chul kwaan nzhaw xaa.
5 Wena chelee tub xaa nali nak galno na;
per lee bech cheen re xaa nakap nayot yek na
nu lee na tubka naab lo lu galno lu re xaa nakap.
6 Gorna lebi xaa re xaa nak xaa naab kwent yek blee,
zee ne xaa wli nak xtizh na.
7 Nu yé xaa:
“Lee zhit cheen be reech roo baa,
modxa nreech yo tich rey gorna nke xaa gon.”
8 Kwaanzee Xaa Tubka Nak,
xaa Nabeyy,
nkwaan na lu;
ngwii na lo lu.
¡Nalaat lu na!
9 Kanap na lo tramp kwaan nkee xaa,
lo tramp kwaan nkee re xaa nakap.
10 Laa la re xaa nakap leeka leen xkyex xaa
nu lee na wen deed.