Kwaan mbill xaa gorna mle Xaa Tubka Nak yud xaa
Salm kwaan mkee David.
138
Kwaan dub lextoo na gol na lo lu;
delant lo re dios gol na salm lo lu.
2 Kichyek na lo yidoo nambey cheen lu
nu gol na lo lu,
nel nkela lu na nu nali nak lu.
Lo rese kwaan mle non lu le lu nu xtizh lu.
3 Leezha mrezh na lu,
mkeb lu lo na;
mzaa lu gro yalngezh lo na.
4 Xaa Tubka Nak,
rese rey xaa nzho dubse lo yizhyo gool lo lu,
nel mbin xaa re wdizh kwaan mroo roo lu.
5 Gool xaa lo xnaz Xaa Tubka Nak,
nel gro nak yalngezh cheen Xaa Tubka Nak.
6 Nixa Xaa Tubka Nak,
nzob naz leen yiba,
seetaka nyakla xaa ngwii xaa lo re xaa nadoo nak,
per nanyulat xaa wii xaa lo re xaa nto yalxwa.
7 Nixa gro doo bid kadeed na,
lu nle zee mban na;
nsaaw lu na lo re xaa nayii ne na
nu le lu yud na kwaan yalnabeyy cheen lu.
8 Xaa Tubka Nak,
le kwaan mlela lu xgab le lu lo na.
Xaa Tubka Nak,
lee yalnkela cheen lu tira nak;
nalaat lu re kwaan mdexkwaa lu kwaan yaa lu.