Kwaan mbinn xaa Israel naz Babilonia
137
Mzob nu roo yuu Babilonia
nu mbinn nu mselazh nu Jerusalén.
2 Lo re yag kwaan nzo roo yuu,
baa mkenga nu xpagwel nu.
3 Lee re xaa mbe nu ngunaab xaa zee gool nu;
nu lee re xaa nayii ne nu né:
“Bill gu tub kant cheen Jerusalén lo nu kwaan yalnix.”
4 ¿Xomod gool nu tub kant cheen Xaa Tubka Nak,
naz yizhyo cheen re xaa zit?
5 Jerusalén,
Jerusalén,
chelee na yenlazh na lu,
zee bizh yaa na lad li.
6 Chelee na yenlazh na lu,
chelee na le nanont na lu,
zee lee luzh na kaned roo na;
chelee nagakt nix lextoo na le na xgab lu.
7 Xaa Tubka Nak,
selazh re xinn Edom,
mbizh kwaan mlux Jerusalén leezha nzhé xaa:
“Bluux guya,
bluux gu axta xan simyent.”
8 Tub mbizh,
noka lu lux Babilonia,
wen xaa zaa kwaan yizo lu,
lo re kwaan nawent kwaan mle lu nu.
9 Wen re xaa zen xinn lu
nu gaaz xaa xaa cho ke lag.