Wen re xaa nzheb ne Xaa Tubka Nak
Kwaan nzholl xaa leezha nya xaa yidoo.
128
Wen re xaa kwaan nzheb ne Xaa Tubka Nak,
xaa kwaan nze xnaz xaa.
2 Re kwaan nzaa xkalgon lu lo zhiin kwaan nle lu nak kwaan gaw lu,
gak nix lu nu wen yo lu.
3 Xngwnaa lu gak mod yag ub kwaan ke doo xle lo
dub welt xkwes li lu;
nu dub welt xkwes xmes lu zhaal xinn lu
mod ben cheen yag olib.
4 Sbaa nii wen Dios xaa,
xaa nzheb ne Xaa Tubka Nak.
5 Xaa Tubka Nak,
nii wen lu naz yi Jerusalén
nu wii lu yo zyen kwaan wen leen yezh Jerusalén,
rese mbizh kwaan ban lu.
6 Nu ban lu zee wii lu lo xos lu.
¡Wen yo re xaa Israel!