Naab xaa zee lux re xaa nayii ne Jerusalén
Kwaan nzholl xaa leezha nya xaa yidoo.
129
Nales doo mdeed na leezha mad na,
nii naya nal xaa Israel,
2 nales doo mdeed na leezha mad na,
per namlet xaa gan lo na.
3 Mle xaa tich na mod tub lee yizhyo pa nke xaa gon
nu mle rey xaa tich na.
4 Per nali nak,
Xaa Tubka Nak;
mloo xaa na lo yalnabeyy cheen re xaa nakap.
5 Rese xaa nayii ne Jerusalén,
xoon xaa nu ton xaa.
6 Laa gak xaa kwenta yix wen kwaan nxen yek yoo,
goola gorna zeraka yilo xena,
7 kwaan ntoop xaa nagalta yoya yaa xaa
nu nazhinta gaka tub manoj.
8 Lee gorna ded re xaa,
zee nik tub xaa nayét lo xaa nayii ne Jerusalén:
“Wen nii Xaa Tubka Nak lo gu;
kwaan le Xaa Tubka Nak nii wen nu lo gu.”