Rese kwaan wen nze lo Xaa Tubka Nak
Kwaan nzholl Salomón leezha nya xaa yidoo.
127
Chelee Xaa Tubka Nak nadexkwaat yoo,
sbaasa ke xaa zhiin dexkwaa xaaya.
Chelee Xaa Tubka Nak nakanapt yezh,
nanont kanap xaaya.
2 Sbaasa nyixche xaa garziil doo nke xaa zhiin
nu nzha xaa mchool doo yizhyo
nu bid doo nle xaa gan kwaan nzhaw xaa,
per lee Dios nzaa mkaal lo xaa nkela xaa.
3 Xaa Tubka Nak,
nzelazh mad nzhal;
mad nak mod xle kwaan mle xaa gan.
4 Kwenta wez kwaan nkee xaa ndil,
sbaa nak re xinn xaa leezha mad xaa.
5 Wen xaa nkano zyen mad,
naka mod tub yed kwaan nyu zyen kwaan nkee wez leen.
Natont xaa ne xaa re xaa nayii ne xaa,
gorna zo xaa lo re xaa roo yilaw.