Naab xaa yalnkela lo Xaa Tubka Nak
Kwaan nzholl xaa leezha nya xaa yidoo.
123
Nebse lo lu ngwii na,
xaa nabeyy naz leen yiba.
2 Modxa ngwii mos lo xaa nke xaa zhiin lo
nu modxa ngwii me nke zhiin lo me nke me zhiin lo,
sbaa ngwii be lo Xaa Tubka Nak,
xaa nak Xtios be,
axtaka luu xaa yalnkela lo be.
3 Blesla lu ne lu nu,
Xaa Tubka Nak,
blesla lu ne lu nu,
nel ngulo nguzha nu nii nawent xaa nu.
4 Nales doo nzhak lextoo nu,
nxizhno doo re xaa yiya nak nu
nu re xaa nto yalxwa nii nawent nu.