Ngunaab xaa zee yo wen Jerusalén
Kwaan nzholl David leezha nya xaa yidoo.
122
Nyakdoola na gorna mbezh xaa lo na:
“Ya be garli Xaa Tubka Nak.”
2 Nzola nii nu
roo yezh Jerusalén.
3 Yezh Jerusalén mdexkwaa,
zee kasa rese xaa leena.
4 Baa yixoob re dii lo xaa,
dii cheen Xaa Tubka Nak.
Modxa nak ley kwaan mzaa xaa lo Israel,
zee gool xaa lo Xaa Tubka Nak.
5 Nel baa nzob xaa naab xaa kwent,
baa nak li David pa naab xaa kwent.
6 Naab be zee kwii wen re xaa Jerusalén,
zee yo wen xaa nkela lu.
7 Yo yalnix leen bla cheen lu,
nu yo deskans lo yezh cheen lu.
8 Kwent cheen re wech na nu re xmig na,
yé na:
“Wen yo yezh Jerusalén.”
9 Kwent cheen li Xtios be,
Xaa Tubka Nak,
kwaan na kwaan wen gak lo re xaa yezh Jerusalén.