Xaa Tubka Nak nak xaa nkanap be
Kwaan nzholl xaa leezha nya xaa yidoo.
121
Gorna ngwii na lo re yi,
zee nle na xgab:
“¿Pa naz roo xaa kanap na?”
2 Lee xaa nkanap na nak Xaa Tubka Nak,
xaa mdexkwaa yiba nu yizhyo.
3 Tira nalaat xaa ralnii be,
nel nanzhat xaa nkanap be.
4 Xaa nkanap re xaa Israel nanyiidt mkaal lo xaa,
nixa nanzhat xaa.
5 Xaa Tubka Nak,
nak xaa nkanap be,
Xaa Tubka Nak,
nak xaa ngozhaw be,
lee xaa nak xkal cheen be.
6 Lee xni mbizh nalet zee yiguuzh be,
nixa mbee nalet kwaan nawent lo be.
7 Xaa Tubka Nak kanap be lo re kwaan nawent;
lee xaa kanap yalnaban cheen be.
8 Kanap Xaa Tubka Nak be gorna nzha be nu gorna bare be,
axta nal nu tubka.