Dixkix Dios mla xaa be lo re xaa nayii ne be
Kwaan nzholl David leezha nya xaa yidoo.
124
Chol nangzot Xaa Tubka Nak lo nu,
nii beya nal xaa Israel,
2 chol nangzot Xaa Tubka Nak lo nu,
leezha nzhekla re xaa ngut be,
3 naban be ngeb xaa be,
leezha ngunayii xaa ngune xaa be,
4 zee ngak be mod xaa nzhala leen nis
nu mod xaa ngded tub yuu tich.
5 Ngak be mod xaa nge nis yuu axta naz xan.
6 ¡Wen nak Xaa Tubka Nak,
namlaat xaa ngluux re xaa be kwaan leyy xaa!
7 Mla be lo re xaa modxa nla myin lo xaa nya kompyar;
mlux xkyex xaa,
¡lee be mle gan!
8 ¡Xaa Tubka Nak,
nak xaa le yud be,
lee xaa mdexkwaa yizhyo nu yiba!