Re kwaan gro kwaan ngok gorna mroo re xaa Egipto
114
Gorna mroo re xaa Israel Egiptoa
nu gorna lee re xinn Kob mlaa yezh zit pa nzho xaa,
2 Judá mzhin ngok li Dios;
Israel mzhin ngok yezh kwaan nabeyy xaa.
3 Gorna lee nistoo mwii lo xaa mxonna;
lee Yuu Jordán mbare naz tras.b
4 Re yi nkee briink mod mbakxiil mach,
re yi win nkee briink mod mbakxiil yeen.
5 ¿Cho kwaan nzak lu nistoo?
Chozhiin mxonn lu?
Lee lu Yuu Jordán,
¿chozhiin mbare lu naz tras?
6 Re yi,
¿chozhiin mkee gu briink mod re mbakxiil mach?
Lee gu yi chuut,
¿chozhiin mkee gu briink mod mbakxiil yeen?
7 Yizhyo,
zheb lu zo lu lo Xaa Tubka Nak,
nu xiz lu zo lu lo Dios cheen Kob.
8 Lee xaa mle zee lee ke ngok yal,c
lee xaa mle mzhiib nal nis cho ke.