Dios nle yud xaa prob
¡Gool be lo Xaa Tubka Nak!
113
Bill gu,
xaa nak xmos Xaa Tubka Nak,
bill gu lo Xaa Tubka Nak,
2 Nii wen xaa le Xaa Tubka Nak,
nal nu tubka.
3 Axta paro nlen mbizh nu axta paro nyaaz mbizh,
gool re xaa wen nak le Xaa Tubka Nak.
4 Gro nak Xaa Tubka Nak lo rese yezh
nu naz leen yiba nzho xni cheen xaa kwaan naro.
5 ¿Cho nak kwenta Xtios be,
Xaa Tubka Nak?
Xaa Nzob Naz Yiba
6 nu ngwii xaa lo yiba nu lo yizhyo.
7 Lee xaa nle yud re xaa prob,
gorna nla xaa lo yo
nu nle xaa yud re xaa nales nzhak.
8 Zee nzob xaa xaa lo re xaa non,
lo re xaa non yezh.
9 Lee xaa nle zee lee re me nit nkano mad
nu nix nzhak lextoo me nzhak me xnaa re mad.
¡Gool be lo Xaa Tubka Nak!