Nii wen Xaa Tubka Nak lo re xaa nzheb ne xaa
Gool be lo Xaa Tubka Nak.
112
Wen xaa nzheb ne Xaa Tubka Nak
nu nyakdoola xaa ne xaa xtizh Dios.
2 Re xinn xaa gak re xaa non lo yizhyo;
lee xtii xaa nali nak nu nii wen xaa xaa lo yizhyo.
3 Garli xaa yo zyen doo kwaan,
kwaan wli cheen xaa tira dii.
4 Lo re xaa nali nak nzaa xaa xni modxa nzaa xni lo yalnakaw.
Dios nak xaa wen,
nlesla xaa nu nali nak xaa lo re xaa wen.
5 Wen re xaa wen nak,
xaa nlesla nu ntache kwaan
nu wen nkano xaa xcheen xaa tub mod nali.
6 Lee xaa nali nak tubka nye nzo;
wlipa nselazh myet xaa.
7 Nazhebt xaa gon xaa re kwaan nawent;
nu lextoo xaa tubka nali nak nu tubka ngwii xaa lo Xaa Tubka Nak.
8 Nye nzo xaa,
nanzhebt xaa,
axta le xaa gan lo re xaa nayii ne xaa.
9 Ngiiz xaa re kwaan nzhap xaa lo re xaa prob;
nu tira nali nak xaa;
lee yalnabeyy cheen xaa non nak.
10 Gorna ne re xaa nakapa zee yii xaa;
kozhe leyy xaa nu cheepga cheepga lux xaa.
Lee re kwaan nzoblazh re xaa nawent lux.