Dios nkanap yezh cheen xaa
Gool be lo Xaa Tubka Nak.
111
Kwaan dub lextoo na gol na lo Xaa Tubka Nak,
paro nkasa re xaa nali nak.
2 Gro doo nak kwaan nle Xaa Tubka Nak
nu re xaa nseeda nix nzhak lextoo xaa.
3 Chul nzhak xni cheen xaa nu xchinn xaa
nu tubka nak yalwli cheen xaa.
4 Mle xaa zee selazh re xaa re kwaan gro kwaan mle xaa;
Xaa Tubka Nak wen nak nu nlesla.
5 Nzaa xaa kwaan nzhaw re xaa nzheb ne xaa
nu tubka nselazh xaa kwaan myaan xaa.
6 Nlu xaa yalnabeyy lo yezh cheen xaa
nu nzaa xaa xkizhyo stub naz re yezh zee nabeyy xaaya.
7 Re kwaan nle xaa wen nu wli nak;
nali nak xley xaa.
8 Tubka nu tira gaka
nu mle xaaya wli nu nali,
9 Mdix xaa gorna mloo xaa yezh cheen xaa
nu tira mzaa xaa kwaan myaan xaa.
Nambey nak le xaa nu gro nak le xaa.
10 Lee yalnzhak nzelo gorna nzheb xaa ne xaa Xaa Tubka Nak;
wen nlaya yek re xaa nzhon xtizh xaa.
¡Tubka gool be lo xaa!