Salm kwaan mbill xaa gorna mle xaa gan lo dil
Salm.
98
Gool be kant kub lo Xaa Tubka Nak,
nel lee xaa mle re kwaan gro doo
nu kwaan yaa xaa lad li nkano xaa yalnabeyy,
zee mle xaa gan lo re xaa nayii ne xaa.
2 Xaa Tubka Nak,
mzaa kwent mle xaa gan
nu mlu xaa nali nak xaa lo rese yezh.
3 Kwaan yalnkela cheen xaa nu kwaan wli,
Mselazh xaa re xaa yezh Israel,
nel re xaa dubse yizhyo ngune xomod mle Dios gan lo re xaa nayii ne xaa.
4 Rese be,
xaa yizhyo,
kwaan yalnix nzhaal gool be lo Xaa Tubka Nak;
nu kwaan yalnix gool be salm lo xaa.
5 Lo Xaa Tubka Nak,
gool be salm kwaan bagwel kwaan nkano chii yib
nu gool be kwaan roo be,
6 gool be lo xaa kwaan trompet nu kwaan xkach mbakxiil.
Nix doo gak lextoo be gool be lo Xaa Tubka Nak,
xaa nak rey.
7 Gool nistoo nu re kwaan nzho leena,
gool yizhyo nu re kwaan nzho loya.
8 Re yuu nzhaal chaal yaa lo xaa
nu re yi nzhaal gool kwaan dub lextoo lo xaa.
9 Gool rese kwaan lo Xaa Tubka Nak,
nel lee xaa yaad naab kwent lo yizhyo ne,
nel nali naab xaa kwent lo rese myet
nu lal naab xaa kwent lo rese yezh.