Wen yo xaa Jerusalén
Salm kwaan mkee re xtii Coré, kwaan nzholl xaa.
87
Lee xan yezh cheen Dios,
nzho yek yi nambey cheen xaa.
2 Lee Xaa Tubka Nak,
nkela yezh Jerusalén,
masra ke re stub yezh cheen Kob.
3 Yezh cheen Dios lo lu,
chul doo nii re xaa lu.
{Mbaz}
4 Xaa Tubka Nak yé:
“Xaa rese yezh ne nlabeyy na:
Egipto,
Babilonia,
Filistea,
Tiro nu Etiopía.
¡Xaa re yezh ba nak xaa mod tub xaa Jerusaléna!”
5 Nu nii xaa lo yezh Jerusalén:
“Re xaa yezh zit ne mroo xaa lo Jerusalén.”
Nu leeka Xaa Nzob Naz Yiba mle zee tuka nak yezh.
6 Xaa Tubka Nak nkee lo yech,
paro nke le rese yezh:
“Rese yezh ne mroo lo Jerusalén.”
{Mbaz}
7 Nu lee gorna nkani re xaa nu nzholl xaa,
zee mbezh xaa:
“Lee li na nzob naz Jerusalén.”