Naab xaa lo Dios zee lux re xaa nayii ne Israel
Salm kwaan mkee Asaf nu mbill xaa.
83
¡Dios,
keb lo na!
Nagakt lu zheta,
Dios,
ble tub kwaan.
2 Wii lo re xaa nayii ne lu,
xomod nkee xaa bi
nu xomod nii nawent xaa lu.
3 Nle xaa xgab le xaa kwaan nawent lo yezh cheen lu,
xlaan nle xaa kwaan lo re xaa nkela lu.
4 Nu mbezh xaa:
“Te gu,
luux be yezh cheen xaa
zee naselazht xaa le Israel.”
5 Myaan re xaa le xaa tub kwaan lo lu,
xlaan myaan xaa le xaa kwaan lo lu,
6 Lo yoo ler cheen Edom nu cheen Ismael,
noka Moab nu Agaren,
7 Gebal,
Amón nu Amalec,
re xaa Filistea nu re xaa Tiro myaan xaa.
8 Noka Asiria mzhaal kwaan re xaa,
xaa nak xaa nle yud re xtii Lot.
{Mbaz}
9 Ble modxa mle lu Madián,
modxa mle lu Sísara nu Jabín roo yuu cheen Cisón.
10 Mluux lu re xaa naz Endor
nu ngok xaa mod bon lo yizhyo.
11 Ble lo re xaa non cheen xaa
modxa mle lu lo Oreb nu Zeeb;
modxa mle lu lo rese xaa ngunabeyy lo Zeba nu lo Zalmuna.
12 Nu mbezh re xaa ba:
“¡Cheen be le be pa nzho Dios!”
13 Xtios na,
ble xaa kwenta yide kwaan nzhe mdun,
kwenta paj kwaan nzhe mbi,
14 kwenta yag kwaan nzeb yi kwaan nzek ki,
kwenta re yag kwaan nzek bal.
15 Renal re xaa kwaan mdun cheen lu,
cheb xaa kwaan mbi dox cheen lu.
16 Xaa Tubka Nak,
bseton xaa,
zee kwaan xaa lu.
17 Tira seton xaa
nu yet xaa lo yalnto cheen xaa,
18 Zee ne xaa lee lu nak Xaa Tubka Nak
nu nebse lu nak Xaa Nzob Naz Yiba
nu nebse lu nak xaa nabeyy lo dubse yizhyo.