Xaa Tubka Nak naab kwent lo re stub naz dios
Salm kwaan mkee Asaf.
82
Dios,
xaa nzob naz leen yiba
nu naab xaa kwent lo re dios.
2 ¿Axta cho gor naab gu kwent nali
nu naroot gu xjabor xaa nakap?
{Mbaz}
3 Kanap gu re xaa nales nzhak nu re ngwzeb,
nali naab gu kwent lo re xaa nales nzhak nu re xaa nankanot kwaan.
4 Le gu yud re xaa nales nzhak nu re xaa nkin kwaan;
loo gu xaa lo re xaa nakap.
5 Re xaa nik tub kwaan nanet nu nixa nik tub kwaan nanlat yek xaa,
lo yalnakaw nzo xaa,
kwaanzee nxiz xan yizhyo.
6 Na ni lo gu:
“Gu nak dios,
re gu nak xinn Dios,
Xaa Nzob Naz Yiba.
7 Per modxa nzhet myet sbaa yet re gu,
yet gu modxa nzhet re xaa non.”
8 Dios,
naab kwent lo yizhyo,
nel xcheen lu nak rese yezh kwaan nzhi dubse yizhyo.