Nali naab Dios kwent
Salm kwaan mkee Asaf, nu mzaa xaaya lo xaa nabeyy lo re xaa nzholl. Nzhaal gool xaa kant ne kwaan ton cheen “Naluuxt lu”.
75
Zaa nu dixkix lo lu Dios,
zaa nu dixkix lo lu,
nel gax nzo lu lo nu
nu rese xaa nzaa kwent re kwaan gro kwaan mle lu.
2 Lu né:
“Gorna zhin mbizh mleyy na,
zeesi nali naab na kwent.
3 Nixa gun yizhyo nu re xaa nzho loya,
per na nak xaa nzena”.
{Mbaz}
4 Nzhé na lo re xaa nto yalxwa nu lo re xaa nakap:
“Nagakt gu gaya nixa natot gu yalxwa.
5 Natot gu yalxwa lo yalnabeyy cheen gu,
nixa nalet gu kwenta tub xaa non doo gorna wdizh gu.”
6 Lee yalnon nanzet naz pa nlen mbizh,
nixa pa nyaaz mbizh
nu nixa naz yizhyo bizh.
7 Nel Dios nak xaa naab kwent,
tub naz xaa nle nanont xaa nu stub naz xaa nle non xaa.
8 Lee Xaa Tubka Nak,
nzho tub kop cheen yalnayii yaa
nu leeya nak kwenta xis ub kwaan nguxoob
nu nucha kwaan stub naz kwaan nakap
nu lee xaa xoya,
zee lee re xaa yizhyo,
xaa nakap,
go bixse kwaan nzho leen kop.
9 Per lee na tubka nii kwaane
nu gol na lo Dios cheen Kob.
10 Nel lee xaa luux re yalxwa cheen re xaa nakap
nu le non xaa yalnabeyy cheen re xaa nali nak.