Nzhaal gool re myet lo Dios
Salm kwaan mzaa xaa lo xaa nabeyy lo re xaa nzholl. Nu nzhaal gool xaaya kwaan bagwel.
67
Dios,
blesla lu ne lu nu nu nii wen lo nu;
lu xni cheen lu lo re nu,
{Mbaz}
2 Zee labeyy re xaa yizhyo xnaz lu
nu rese yezh labeyy yalnaban cheen lu.
3 Dios,
nzhaal gool rese yezh lo lu,
rese myet nzhaal gool lo lu.
4 Kwaan yalnix gool rese yezh,
nel nali naab lu kwent lo re myet
nu nlu lu xnaz lu lo rese yezh,
lo dubse yizhyo.
{Mbaz}
5 Dios,
nzhaal gool rese yezh lo lu,
rese myet nzhaal gool lo lu.
6 Lee yizhyo wen zaa xle cheen
nu lee Xtios be nii wen lo be,
7 Dios nii wen lo be
nu lee re myet yizhyo zheb ne xaa.