Na nkwaan Dios, modxa nkwaan xaa nis go xaa.
Salm kwaan mkee David, gorna mzo xaa lo yizhyo bizh cheen Judá.
63
Dios,
lu nak Xtios na
nu garziil doo nkwaan na lu.
Na nak mod tub xaa nzhek doo lextoo,
xaa nzo lo yizhyo bizh pa nyent nis
nu sbaaka nkwaan na lu.
2 Nzhekla na wii na lo lu leen yidoo cheen lu,
zee wii na lo yalnabeyy cheen lu nu lo xni cheen lu.
3 Nel mas wen nak yalnkela kwaan nali cheen lu ke yalnaban cheen na
nu kwaan roo na gol na lo lu.
4 Nu snee nii wen na lo lu rese mbizh kwaan mban na
nu lo lu lep na yaa na.
5 Nix doo gak lextoo na,
mod xaa nyazhe lextoo nzhaw kwaan chul doo ndaaw
nu kwaan yalnix gol na lo lu.
6 Selazh na lu gorna naxnaa na lo xloon na,
dubse yaal nle na xgab lu,
7 nel lu nak xaa nle yud na.
Gol na lo lu,
gorna kanap lu na xan xiil lu.
8 Tubka nzen na cho lu
nu kwaan yalnabeyy cheen lu nzen lu na.
9 Per re xaa nzhekla gut na nzhaal lux xaa,
nya xaa leen baa paro nzho re xaa ngut.
10 Yet xaa ba kwaan spad lo dil,
nu dub xaa keb re mbew.
11 Per lee rey gak nix lextoo lo Dios
nu rese xaa kwezh Dios gool lo xaa,
per lee roo re xaa nkade yaaw.