Kwaan ngunaab xaa zee zhe re xjwalt xaa
(Salm kwaan mkee David zee seed xaa re myet. Maskila).
32
Wen xaa mche Dios jwalt cheen,
xaa ngok nzhul lo rese jwalt cheen.
2 Nix doo nzhak lextoo xaa nel nanaabt Xaa Tubka Nak kwent lo xaa,
nel nyent yalkade lo xaa.
3 Leezha zer zeet na re jwalt cheen na lo Dios,
zee tubka nzhayak naro yalne cheen na
nu dubse zhe mbezhyizh na.
4 Zhe nu yaal mted lu na bid,
mlux re jwers cheen na,
kwenta yeey kwaan ngool,
leezha nla doo neey.
{Mbaz}
5 Nu zee nguni na jwalt cheen na lo lu
nu namkaxlaant na re jwalt cheen na.
Nzhé na:
“Lee na yé re jwalt cheen na lo Xaa Tubka Nak”
nu mche lu re jwalt cheen na.
{Mbaz}
6 Kwaanzee rese xaa nambey nzhaal naab lo lu,
gorna nzho mod yizhal lu lo xaa,
nixa nze nis nal doo lo xaa,
per nazhinta lo xaa.
7 Lu nak kwenta yoo ndok kwaan nsaaw na,
telise kanap lu na lo re yalzi,
kwaanzee chul doo gol na nel mkanap lu na.
{Mbaz}
8 Nzhé Xaa Tubka Nak:
“Seed na lu xana naz nzhaal ze lu,
za na rason lo lu,
nu laach na lo lu nu kanap na lu.
9 Nagakt gu kwenta tub gway,
o mod ma nyent yek,
ma kwaan nzhon xtizh bixwann,
nebse leezha nzho fren roo ma.”
10 Lee re xaa nakap ded doo bid lo yalzi,
per lee yalnkela cheen Xaa Tubka Nak,
nkanap re xaa ngwii lo xaa.
11 Gak nix doo lextoo re be,
xaa nali nak,
yakla re be lo Xaa Tubka Nak nu gool be lo xaa.