Naab xaa zee zhe jwalt nu kanap Dios xaa
Salm kwaan mkee David.
25
Xaa Tubka Nak,
nebse lo lu nii na re kwaan nzak na,
2 Xtios na,
nebse lo lu ngwii na;
nalaat lu roo xkalnto na,
zee lee re xaa nayii ne na naxizhnot xaa na.
3 ¡Nel natont nik tub xaa kwaan nkambaz lu!
Per lee re xaa nayii ne lu,
roo xkalnto xaa.
4 Xaa Tubka Nak,
lu xnaz lu lo na,
be na lo xnaz lu.
5 Lu xtizh lu kwaan wli lo na,
seed lu na xtizh lu kwaan wli,
nel lu nak Xtios na,
xaa nzaa yalnaban lo na,
nel nebse lu nkambaz na dub zhe.
6 Xaa Tubka Nak,
selazh lu yalnkela nu yalnles,
kwaan tubka nlu lu.
7 Per byenlazh re xjwalt na,
kwaan mle na leezha mad na.
Xaa Tubka Nak,
selazh na,
lo yalwen nu lo yalnkela cheen lu.
8 Xaa Tubka Nak,
wen nak xaa nu nali nak xaa,
kwaanzee lee xaa luu naz lo re xaa nle jwalt.
9 Nlu xaa naz lo xaa nadoo nak,
nu nseed xaa xaa kwaan wli.
10 Nzho yalnkela nu kwaan nali lo xnaz Xaa Tubka Nak,
lo re xaa ngozhaw xtizh xaa,
nu re xaa nle kwaan myaan xaa nu kwaan nii xley xaa.
11 Xaa Tubka Nak,
che re xjwalt na nixa gro doo naka,
sbaa lee re myet nii wen le lu.
12 Xaa Tubka Nak,
blu xana naz kwaan nzhaal kweey re xaa nzheb ne lu.
13 Wen doo ded xaa,
nu lo xtii xaa lake yizhyo.
14 Xaa Tubka Nak,
nak xmig re xaa nzheb ne xaa
nu lo re xaa ba luu xaa kwaan yaan xaa.
15 Xaa Tubka Nak,
nebse lo lu ngwii na,
nel lu nak xaa ngoo na leen yex.
16 Wii lo na nu blesla lu ne lu na,
nel techo na nu nales nzhak na.
17 Tubka nzhaxen yalnales leen lextoo na;
kiib yalnales ne lo na.
18 Wii,
lo yalnales cheen na nu lo re kwaan nle na xgab
nu che rese xjwalt na.
19 Wii xomod nzeyak zyen re xaa nayii ne na
nu nzob xyan lextoo xaa ne xaa na.
20 Kanap na nu bloo na lozhya xaa
nu nalaat lu roo xkalnto na,
nel nebse lo lu ngwii na.
21 Kanap na lo re kwaan nali,
nel nebse lu kambaz na.
22 ¡Xtios na,
bloo re xaa Israel lo re yalnales cheen xaa!