Dios nzhon kwaan naab xaa
Salm kwaan mkee David nu mzaa xaaya lo xaa nabeyy lo re xaa nzholl.
20
Nzhekla na zee lee Xaa Tubka Nak gon xtizh lu leezha nales nzhak lu;
kwaan le Dios cheen Kob kanap xaa lu.
2 Dios xaa nzho leen yidoo le yud lu;
nu naz Jerusalén kanap xaa lu.
3 Zee selazh Dios re gon cheen lu
nu kayaa xaa re gon kwaan zeek lu lo mdo.
4 Zee le Dios rese kwaan nzhekla lu
nu le xaa rese kwaan nle lu xgab.
5 Nix gak lextoo nu gorna lee lu,
xaa nak rey cheen nu,
le gan lo dil,
zee lep nu xpander be zee gak non le Dios.
Kwaanzee,
Xaa Tubka Nak le rese kwaan naab lu lo xaa.
6 Nalsi ne na,
lee Xaa Tubka Nak nle yud xaa mleey xaa
nu nkeb xaa naz leen yiba pa nzhul nak
nu kwaan yalnabeyy cheen Xaa Tubka Nak,
zee le nu gan lo dil.
7 Lak xaa ngwii lo xkaret xaa kwaan nya lo dil
nu zlak xaa ngwii lo xkabay xaa;
per lee be ngwii lo Xtios be,
Xaa Tubka Nak.
8 Lee re xaa ba naguuzh nzhak nu nla xaa lo yo,
per lee be tubka nali zo.
9 Xaa Tubka Nak,
¡ble zee le rey gan lo dil!
¡Nu keb lo nu gorna kwezh nu lu!