Xaa ngwii lo Xaa Tubka Nak
Salm kwaan mkee David,
Kwaan mzaa xaa lo xaa nabeyy lo re xaa nzholl.
11
Nebse lo Xaa Tubka Nak ngwii na;
¿xomod né xaa lo na bxonn naz yi kwenta myin?
2 Wii xomod nkee re xaa nakap wez
nu nzob xaa bar loya,
zee xlaan kee xaaya yek re xaa nali nak.
3 Chelee simyent lux,
¿cho kwaan nzho mod le xaa nali nak?
4 Lee Xaa Tubka Nak,
nzo leen yidoo nambey cheen xaa,
lee Xaa Tubka Nak,
nkano yalnabeyy naz leen yiba
nu wen ngwii xaa lo re myet
nu nle xaa xgab xomod nak myet.
5 Lee Xaa Tubka Nak,
nle preb re xaa nali;
per nayii xaa ne xaa re xaa nakap,
xaa nkela kwaan nawent.
6 Lee Xaa Tubka Nak,
sela yey bal,
kwaan nak bal nu ki cheen ke azufre
nu mbi kwaan texonn bal la tich re xaa kwaan nle kwaan nakap,
zee le xaa gan kwaan nyalzo xaa.
7 Nel wen nak Xaa Tubka Nak,
nu nkela xaa kwaan wli,
kwaanzee lee xaa nali nak,
sneepa wii lo xaa.