Naab xaa yud lo Dios cheen re xaa nayii ne xaa
Salm kwaan mkee David, nu mzaa xaaya lo xaa nabeyy lo re xaa nzholl. Nzhaal gool xaaya kwaan bagwel kwaan nkano xon yib.
12
Xaa Tubka Nak,
le yud nu;
¡nel nyentra xaa ngwii lo lu
nu nyentra re xaa nali nak lo re xinn myet!
2 Nkade xaa tub xaa stub xaa.
Nii xaa le xaa tub kwaan,
nu lee stub rat nii xaa stub kwaan.
3 Xaa Tubka Nak,
choog luzh re xaa nkade kwaan wdizh chul
nu choog luzh re xaa kwaan nto yalxwa.
4 Re xaa mbezh:
“Kwaan luzh nu le nu gan
nu kwaan roo nu nkano nu yalnabeyy.
¿Cho nak xaa nabeyy lo nu?”
5 Kwaane né Xaa Tubka Nak:
“Re xaa nales nzhak nu re xaa naguun,
xaa nayetra kaded bid,
kwaanzee na le yud xaa nel tant nzhekla xaaya”.
6 Lee xtizh Xaa Tubka Nak,
nak kwaan nzhul,
naka mod plat kwaan nded lo ki,
kwaan nded lo ki gazh welt.
7 Lu,
Xaa Tubka Nak,
nkanap nu;
lu,
tubka nle yud nu lo re xaa nzho nal,
8 lo re xaa nawent,
xaa tubka nzo re pa,
nu dubse lo yizhyo nyula xaa le xaa re kwaan nawent lo samyet xaa.