Naab xaa lesla Dios ne xaa gorna nales doo nzhak xaa
Salm kwaan mkee David.
Kwaan mzaa xaa lo xaa nabeyy lo re xaa nzholl.
Nzhaal gool xaaya kwaan bagwel kwaan nkano xon yib.
6
Nagalnot lu na,
Xaa Tubka Nak,
gorna nzhaal xyan lu
nu nixa nateedt lu na bid kwaan yalnayii cheen lu.
2 Blesla lu ne lu na,
Xaa Tubka Nak,
nel ne na;
Xaa Tubka Nak,
sekwen na nel nzhizh leen zhit cheen na.
3 Nu nales doo nzhak lextoo na,
lee lu,
Xaa Tubka Nak,
¿axta cho gor le wen lu lo na?
4 ¡Te,
Xaa Tubka Nak,
ble yud na,
kwaan yalnkela cheen lu,
nalaat lu na!
5 Nel nik tub xaa ngut nyent mod selazh lu;
re xaa nzho leen baa,
nyent mod gool xaa lo lu.
6 Ngulola nguzha na nzhonn na;
tub yaal stub yaal nzhonn doo na,
ngulo ngok bsii lo kwaan nkoo na.
7 Ngulo ngok ne garlo na tant nzhonn na;
nanyanitra garlo na kwent cheen re xaa nayii ne na.
8 Bachi gu lo na xaa nle kwaan nawent,
nel Xaa Tubka Nak,
mbin xomod mbinn na.
9 Lee Xaa Tubka Nak,
mbin re kwaan ngunii na
nu ne na lee Xaa Tubka Nak,
nzhon xtizh na.
10 Rese xaa nayii ne na ton xaa nu nales gak xaa;
bare xaa nu ton xaa.