Kob ngunii wen lo Efraín nu Manasés
48
Nzha lak liin,
zee nzhé xaa lo Che:
—Lee xuz lu ne nzak.
—Lee xgann lu Che nzesewii lo lu.
—Lee Dios,
xaa nkano dubse yalnabeyy,
mlu lo na naz yezh kwaan le Luz,
yizhyo Canaán
4 nu ngunii wen xaa lo na kwaan wdizh ne:
“Wii,
lee na le zee gak zyen doo dii cheen lu nu gak re xaa tub yezh naro.
Nu lo xtii lu tira za na yizhyo ne.”
5 Lee nal xgann lu Efraín nu Manasés xaa ngol Egipto nee,
gorna zeeraka yal na yoo na kwaan lu,
non xaa lo na.
Lee xaa nak xgaan na kwenta Ben nu Simeón.
6 Lee re mad kano lu gwluzh gak xinn lu nu kwaan yizo Efraín nu Manasés kayaa xinn lu.
7 Lee gorna mbare na Padan-aram,
zee ngut xnaa lu Raquel,
naz Canaán.
Nu merla zhin na Efrata nu baa mkaach na me naz Efrata kwaan le Belén.
8 Nu tas ngwii Kob lo xinn Che nu ngunabdizh xaa:
—¿Cho nak xaa ne?
9 Nu lee Che mkeb:
—Nak re mad mzaa Dios lo na Egipto nee.
Zee lee xuz xaa nzhé:
—Naab na lo lu zee sebii gax lu mad lo na,
zee nii wen na lo xaa.
10 Kob nak tub xaa gola nu nanyaniwentra lo xaa,
zee nanluwentra kwaan lo xaa.
Kwaanzee lee Che msebii rop xgann lo xuz xaa nu lee xaa mzaa tub bit nu mdeezh xaa xaa.
11 Zee nzhé xaa lo Che:
—Namletra na xgab ne na lo lu,
¡lee nal Dios mle zee noka ne na lo rop xinn lu!
12 Che mre rop xgann xaa leen kor xuz xaa nu mkichxub xaa axta mla lachuzh xaa lo yo.
13 Zee lee Che mzo Efraín lad li lo xaa nu lee Manasés mzo xaa lad beg lo xaa.
Nu msebii gax xaa xaa lo xuz xaa.
Snee lee Manasés mlake lad li lo Kob nu Efraín mlake lad beg lo Kob.
14 Zee lee Israel mchee krus yaa yek xaa nu mzhib xaa lad li yek Efraín,
xaa nak xaa gwluzh.
Nu lee yaa xaa lad beg mzhib xaa yek Manasés,
nixa lee xaa nak xaa yilo.
15 Zee ngunii wen xaa lo Che,
mod ne:
—Lee Dios cheen xey na Abraham nu xuz na Chak
nak Dios xaa nkanap na axta mbizh ngol na nu axta mbizh nalzhe.
16 Nu noka xaa nak mandad nkanap na lo rese kwaan nawent,
lee xaa nii wen lo rop mad ne.
Nu kwaan rop xaa ne,
zee selazh re xaa le na,
kwaan le xey na Abraham nu xuz na Chak.
Nu zhin Efraín nu Manasés kano zyen doo xgann
nu kano xaa zyen doo dii lo yizhyo ne.
17 Nu lee Che nanyulazhdoot lee xuz xaa mzhib yaa lad li yek Efraín.
Kwaanzee mre xaa yaa xuz xaa yek Efraín nu mzhib xaaya yek Manasés.
18 Zee nzhé xaa:
—¡Ay xuz na,
naleet sbaaya!
Xaa ne nak xaa yilo.
Zhib yaa lu lad li yek xaa ne.
19 Per lee xuz xaa nanzheklat leya sbaa nu mkeb xaa:
—Nela naya,
xgaan.
—Zeera nzhé xaa— Nela naya.
Noka lee xaa zhin gak tub yezh kwaan non.
Nu lee wech xaa,
xaa gwluzh gak nonra lo lee xaa.
Nu lee re xgann xaa zhin kwek zyen yezh naro.
20 Nu leeka mbizh zee lee Kob ngunii wen kwaan wdizh ne:
Lee yezh Israel le xchinn gu gorna nii wen xaa nu yé xaa:
“Lee Dios zo kwaan lu,
modxa mzo xaa kwaan Efraín nu Manasés”.
Leezha ngunii xaa sbaa,
mle xaa Efraín mod tub xaa yilo lo Manasés.
21 Zeera nzhé Kob lo Che: