Re dii cheen Esaú
36
Kwaane nak kwent cheen re dii cheen Esaú,
xaa nak leeka Edom.
2 Esaú mka re ngwnaa Canaán,
me le Ada,
xchaap Elón xaa Het nu me le Aholibama,
me nak xchaap Aná,
xgann Zibeón,
xaa Heveo,
3 nu Basemat,
me nak xchaap Ismael,
bzan Nebaiot.
4 Lo Ada rop Esaú ngol Elifaz,
lo Basemat rop Esaú ngol Reuel
5 nu lo Aholibama rop Esaú ngol Jeús,
Jaalam nu Coré.
Nu re xaa ne ngok re xgann Esaú,
xaa ngol yizhyo Canaán.
6 Nu Esaú mbe re xngwnaa,
re xgann,
re xchaap nu rese xaa nzho garli xaa,
zee nya xaa yo xaa zit xeep lo Kob.
Nu mbe xaa rese xma xaa nu rese kwaan nkano xaa Canaán.
7 Nu nel zyen doo kwaan nzha nkano rop wech xaa,
zee nyentra mod yo xaa tubka pa.
Nu yizhyo kwaan nzho xaa nagaat kwi re xma xaa.
8 Kwaanzee lee Esaú nak xaa Edom,
nyayo naz yi yizhyo cheen Seir.
9 Rese xaa ne ngok dii cheen Esaú,
xey xaa,
xaa yilo re xaa Edom,
xaa ngu yi Seir.
10 Xaa ne ngok re xgann Esaú:
Elifaz,
xgann Ada,
xngwnaa Esaú,
Reuel,
xgann Basemat,
xngwnaa Esaú.
11 Re xgann Elifaz nak:
Temán,
Omar,
Zefo,
Gatam,
nu Cenaz.
12 Elifaz mkano stub ngwnaa,
me nanakt sa xaa,
me le Timna.
Lee me mkano stub xgann xaa,
xaa le:
Amalec,
xaa ne ngok dii cheen Ada,
me ngok tub sa Esaú.
13 Re xgann Reuel ngok:
Nahat,
Zera,
Sama nu Miza.
Re xaa ne ngok xos Basemat,
xngwnaa Esaú.
14 Re xaa ne ngok xgann Aholibama,
stub xngwnaa Esaú,
me ngok xchaap Aná,
xaa ngok xos Zibeón.
Rop me Esaú mkano:
Jeús,
Jaalam nu Coré.
15 Re xaa ne ngok xaa nabeyy lo re xgann Esaú.
Re xgann Elifaz,
xaa yilo lo Usaú nak:
Temán,
Omar,
Zefo,
Cenaz,
16 Coré,
Gatam nu Amalec.
Re xaa ba ngok xaa nabeyy leezha nzho Elifaz yizhyo Edom.
Re xaa ne ngok xos Ada.
17 Re xaa ne ngok xgann Reuel,
xgann Esaú:
Nahat,
Zera,
Sama nu Miza.
Re xaa ne ngok xaa nabeyy leezha nzho Reuel yizhyo Edom,
re xaa ba ngok xos Basemat,
xngwnaa Esaú.
18 Nu re xaa ne ngok xgann Aholibama,
xngwnaa Esaú:
Jeús,
Jaalam nu Coré.
Re xaa ba ngok xaa nabeyy nu ngok xaa xos Aholibama,
xngwnaa Esaú,
me nak xchaap Aná.
19 Rese xaa ba ngok dii cheen Esaú (xaa noka le Edom) nu ngunabeyy xaa.
20 Xaa ne ngok re dii cheen Seir,
xaa Horeo,
xaa ngu yizhyo ba yilo lo re sawlizh Esaú:
Lotán,
Sobal,
Zibeón,
Aná,
21 Disón,
Ezer nu Disán.
Xaa ne ngok re xaa ngunabeyy re xaa Horeo,
xaa ngok dii cheen Seir,
naz yizhyo Edom.
22 Lee rop xgann Lotán ngok Hori nu Hemam.
Nu Timna ngok bzan Lotán.
23 Lee re xgann Sobal ngok:
Alván,
Manahat,
Ebal,
Sefo nu Onam.
24 Nu lee rop xgann Zibeón ngok Aja nu Aná.
Aná nguzhal lak xlen lo yizhyo bizh,
gorna mkano xaa xngwes xuz xaa Zibeón.
25 Lee rop xgann Aná ngok Disón nu Aholibama.
26 Nu lee xgann Disón ngok:
Hemdán,
Esbán,
Itrán nu Querán.
27 Lee re xgann Ezer ngok:
Bilhán,
Zaaván nu Acán.
28 Lee rop xgann Disán ngok:
Uz nu Arán.
29 Xaa ne ngok re xaa nabeyy lo re xaa Horeo,
xaa le:
Lotán,
Sobal,
Zibeón,
Aná,
30 Disón,
Ezer nu Disán.
Re xaa ne ngok xaa non naz yizhyo Seir.
31 Lee re xaa ne ngok rey,
xaa ngunabeyy Edom,
gorna zeeraka kano re xaa Israel rey.
32 Bela,
xaa ngok xgann Beor ngunabeyy naz Edom nu lazh xaa le Dinaba.
33 Ngut Bela,
zee ngunabeyy Jobab xgann Zera,
xaa ngok xaa yezh Bosra.
34 Ngut Jobab,
zee ngunabeyy Husam,
xaa nak yizhyo Temán.
35 Ngut Husam,
zee ngunabeyy Hadad,
xaa ngok xgann Bedad,
xaa mle gan lo re xaa Madián naz yizhyo Moab.
Nu lee xaa nak yezh Avit.
36 Gorna ngut Hadad,
zee ngunabeyy Samla,
xaa nak yezh Masreca.
37 Lee gorna ngut Samla,
zee ngunabeyy Saúl,
xaa nak yezh Rehobot,
kwaan nzhikwaa roo Yuu Éufrates.
38 Ngulo ngut Saúl,
zee ngunabeyy Baal-hanán xgann Acbor.
39 Lee gorna ngut Baal-hanán xgann Acbor,
zee ngunabeyy Hadar nu lee xaa nak yezh Pau nu lee xngwnaa xaa le Mehetabel,
xchaap Matred,
xos Mezaab.
40 Lee re xaa ne nak re xaa nabeyy lo re dii cheen Esaú,
xaa ngok xey re xaa Edom.
Nu mkee le xaa,
mod nak li xaa nu pa nabeyy xaa:
Timna,
Alva,
Jetet,
41 Aholibama,
Ela,
Pinón,
42 Cenaz,
Temán,
Mibzar,
43 Magdiel nu Iram.
Re xaa ne ngok xaa non lo Edom nu mod nak yizhyo pa ngu xaa.
Edom nak leeka Esaú,
xey re xaa Edom.