Kob mbare naz Betel
35
Lee Xaa Tubka Nak nzhé lo Kob:
—Guxche nu gwa gu naz Betel nu baa dexkwaa tub mdo lo na,
xaa mlu lo lu gorna mxonn lu lo wech lu Esaú.
2 Zee lee Kob nzhé lo re xaa li xaa nu lo re xaa nzo kwaan lee xaa:
—Bloo gu rese maj kwaan nkano gu nu kee gu tub goz nu chee gu xab gu.
3 Nel nzhaal ya be Betel,
paro dexkwaa na tub mdo lo Dios,
xaa namlaat na gorna mdeed na bid.
Nu palpa nzha na nzo xaa kwaan na.
4 Zee lee re xaa mzaa re maj lo Kob nu aret kwaan nke nzha xaa,
zee lee Kob msebyoya xan tub yag zin,
kwaan nzo gax Siquem.
5 Lee gorna mroo re xaa,
lee Dios mle zee rese yezh kwaan nzhikwaa gax mzheb doo,
kwaanzee namrenaltra xaa re xinn Kob.
6 Kob nu re xaa nzha kwaan lee xaa mzhin naz yezh kwaan le Luz,
kwaan noka le Betel,
kwaan nzhi naz yizhyo Canaán.
7 Nu mdexkwaa xaa tub mdo nu mloole xaa baa El-betel,a
nel gorna mxonn xaa lo wech xaa,
zee mlu Dios lo xaa baa.
8 Nu leeka baa ngut Débora,
me mkano Bek,
zee mkaach xaa me xan tub yag zin naz yezh Betel.
Nu lee Kob mloole baa,
Yag Zin Mbinn Xaa.
Lu le Kob.
Lee nal naletra lu sbaa,
Lee nal roole lu Israel.
Na nak Dios,
Xaa Nkano Dubse Yalnabeyy,
kano lu zyen doo dii nu lo lu roo zyen doo yezh
nu lo re dii cheen lu roo rey.
12 Lee re yizhyo kwaan mza na lo Abraham nu lo Chak,
noka za naya lo lu,
lee gwluzh zee za naya lo re dii cheen lu.
13 Gorna ngulo ngunii Dios lo Kob,
zee nya xaa.
14 Zee mzen Kob tub ke nu mzoli xaaya kwaan lu nseyn pa ngunii Dios lo xaa.
Zeera mchub xaa anseyt nu xis ub choya.
15 Nu mloole xaa baa Betel.
Ngut Raquel
16 Gwluzh mroo Kob Betel nu seesa zitra nzho jwalt zhin xaa Efrata,
gorna ngol xinn Raquel kwaan yalne doo.
17 Lee lo yalne zee,
lee me nzen mad nzhé:
—¡Nazhebt lu,
nel mzan lu tub madbyi!
18 Nu lee me mer nzob lo yalgut nu ngunii me:
—Lee mad roole Benoni.b
Per lee Kob mloole xgann xaa Benjamín.c
19 Nu sbaa ngut Raquel nu mgaach me rol naz yezh Efrata,
kwaan le Belén.
20 Nu mzoli Kob tub ke roo xpaa me,
zee sbaa nlu lo xpaa Raquel,
axta mbizh nalzhe.
21 Israel mroo baa nu nzha xaa naz wen nu mzhin xaa paro le Migdal Edar nu mlek xaa yoo ler cheen xaa.
22 Gorna lee Kob seetaka nzho baa,
lee Ben mkano Bilha,
me nak tub xngwnaa Kob.
Zee lee Kob mzeena.
Re xgann Kob
Tub chiibchop nak re xgann Kob.
23 Re mad mkano Lea le:
Ben,
xaa yilo,
Simeón,
Leví,
Judá,
Isacar nu Zabulón.
24 Rop mad mkano Raquel le:
Che nu Benjamín.
25 Rop mad mkano Bilha,
me mke zhiin lo Raquel le:
Dan nu Neftalí.
26 Rop mad mkano Zilpa,
me mke zhiin lo Lea le:
Gad nu Aser.
Re xaa ba ngok xinn Kob,
xaa ngol naz Padan-aram.
Ngut Chak