Xiin Bilha
30
Gorna ngune Raquel nagarlot kano me mad,
zee ngok nawent lextoo me ne me Lea,
bal me.
Nu nzhé me lo sa me:
—¡Chelee lu nazaat lu tub mad lo na,
zee yet na!
2 Nu lee Kob ngunayii lo Raquel nu nzhé xaa:
—¿Che nle lu xgab lee na nak Dios,
zee za na mad lo lu?
3 Nu lee me nzhé:
—Za na Bilha,
me nke zhiin lo na,
kano lu nu gorna kano me mad,
zee gak mad xiin na.
Nu sbaa nzho mod kano na mad.
4 Nu sbaa mzaa Raquel Bilha me nke zhiin lo me,
zee mchaal Kob me.
5 Nu lee me mbeyxinn,
zee ngol tub xgann Kob lo me.
6 Zee nzhé Raquel:
—Mad ne roole Dan,a
nel Dios nali ngunaab kwent lo na nu mbin xaa kwaan ngunii na lo xaa,
zee mzaa Dios tub xgaan na.
—Mad ne roole Neftalí,b
nel mcheep na gan lo bal na zee mle nachan na me.
Xinn Zilpa
9 Gorna ngune Lea nagarlotra kano me mad,
zee mzaa me Zilpa,
me mke zhiin lo me,
zee kano Kob me.
10 Nu lee Zilpa mkano tub xgann Kob.
11 Nu nzhé Lea:
—¡Wen swert!
—Nix doo nzhak lextoo na.
Nalsi lee re ngwnaa gak nix lextoo ne na.
Nu mroole me mad Aser.d
Xinn Lea
14 Nu tub mbizh ngwa Ben wen,
gorna mdoop yalgon,
zee nguzhal xaa lak go kwaan le mandrage nu mbe xaaya nu mzaa xaaya lo xnaa xaa Lea.
Nu gorna ngune Raquel lo go mandrag,
zee nzhé me lo Lea:
—Naab na lo lu zee zaa lu lak mandrag lo na,
kwaan nyaadno xinn lu.
15 Nu lee Lea mkeb:
—¡Ngulola mkiib lu sa na nu noka nzhekla lu kiib lu re xmandrag xiin na!
Nu lee Raquel nzhé:
—Chelee lu zaa lu mandrag cheen lu,
zee gaa lu kwaan Kob nawzhe.
16 Nu ngol mzhel yizhyo gorna nyaad Kob ngwa wen,
zee lee Lea nzhé lo xaa:
—Lee nawzhe gaano lu na,
nel mzila na lu kwaan mandrag kwaan nyaadno xiin na.
Zee lee Kob ngootno Lea yaal zee.
17 Zee lee Dios mbin xtizh Lea nu mbeyxinn me nu mad ba ngok mad gaay lo Kob.
18 Zee lee Lea nzhé:
—Lee mad ne roole Isacar,f
kwaan nak mad mle na gan,
nel nzhé me:
“Mad ne nak kwaan mle na gan nel mza na me nke zhiin lo na lo sa na”.
—¡Dios mzelazh tub kwaan wen lo na!
Lee nal ne wen sa na na,
nel nzha nkanola na xoop xinn me.
Xinn Raquel
22 Nu lee Dios mlesla ne Raquel nu mbin xaa xtizh me zee nzho mod mkano me mad.
23 Lee gorna mkano me mad yilotlaka,
zee nzhé me:
Kwaanzee mloole me mad Che.h
Kob myaan kwaan Labán
25 Ngulo mzan Raquel Che,
zee lee Kob nzhé lo Labán:
—Laa nya na xkizhyo na.
26 Zaa re xiin na nu re sa na,
nel kwent cheen re me mkee na zhiin lo lu.
Lu ne wen xomod mkee na zhiin.
Laa nya na.
27 Per lee Labán mkeb:
—Naab na lo lu zee lakeka lu kwaan na.
Ne na lee Xaa Tubka Nak mzaa zyen kwaan lo na,
nel mzo lu kwaan na.
28 Né lo na lak nzhekla lu le lu gan,
zee kix naya.
29 Zee lee Kob nzhé:
—Ne wen lu xomod mkee na zhiin lo lu nu xomod mkanap na xma lu.
30 Nel yilo gorna zer zhin na zee lakse ma mkano lu,
lee gorna mzhin na zee lee re xma lu ngok zyen doo,
nel Dios mle zyen ma.
Per lee nal,
gorna lee na nya zee kee na zhiin kwaan re xaa na.
31 Per lee Labán mle jwers nu nzhé:
—¿Lak nzhekla lu kix na ka lu?
Nu lee Kob mkeb:
—Nakixt lu nik tub kwaan,
nebse kanap na re xpakxiil lu nu chelee lu zeyal lu gon lu kwaan nii na,
32 laa ze na lo re xma lu nu koxcho na re mbakxiil,
ma nagaas nu re chib ma pint.
Nu ma ne gak kwaan yex ka na.
33 Nu snee gorna nzha xeep zee yiid lu wii lu lo re ma mle na gan.
Nu chelee lo re xma na yo re ma nanat nagaas nu pint,
zee ne lu mle wann na xma lu nu snee luu nali nak na.
34 Nu lee Labán nzhé:
—Wena.
Le na kwaan né lu.
35 Nu leeka mbizh zee Labán mloxcho rese chib,
ma pint o ma nkano tik kwaan rus lextoo nu rese mbakxiil,
ma nagaas na.
Nu mzaa xaa ma lo xgann xaa zee kanap xaa ma.
36 Zee mzeno xaa ma chon mbizh naz paro nzho Kob.
Nu lee Kob mbare mkano xpakxiil Labán.
37 Zee lee Kob mchoog lak ram yag naye kwaan le álamo,
almendro nu castaño.
Zee mkiib xaa tik xaba zee rola mlu rus.
38 Zeera mdix xaa re bar kwaan mkiib xaa tik xab,
paro nzho re ma nis.
39 Nu baa nak paro nzhaal re ma zee nyixoob mach tich ma gol,
paro mbek xaa re bar,
zee nzhal re ma pint.
40 Zee Kob mloxcho ma pint nu mbakxiil nagaas nu mkanap xaa xma xaa.
Sbaa mxeen Kob mer xma Kob nu namchaaltra xaa ma kwaan re xma Labán.
41 Nu yizata welt lee re ma chul nzhak nzhaal zee kano ma xinn ma,
zee lee Kob ngix bar paro nzho ma nis,
zee nzho mod wii ma lo bar gorna nzhaal ma.
42 Lee gorna nzhin re ma yizh nambekt xaa bar,
nel re ma yizh nak xma Labán.
Lee re ma chul nzhak nak xma Kob.
43 Sbaa mod ngok rik Kob,
zee mkano xaa zyen doo mbakxiil nu xaa mke zhiin lo xaa nu me mke zhiin lo xaa nu mkano xaa kamey nu ngwes.