Chak nu Abimelec
26
Lee re mbizh zee mla tub win dubse yizhyo ba,
modxa mlaya gorna mbanaka Abraham.
Kwaanzee nya Chak naz Gerar lo Abimelec,
xaa nak rey cheen re xaa Filistea.
2 Nu naz ba lee Xaa Tubka Nak mlu lo xaa nu nzhé xaa:
—Nayat lu naz Egipto;
mas wen yo lu pa nii na lo lu.
3 Lee nal yo lu yizhyo ne,
nel na zo tubka kwaan lu.
Nu le na zyen doo xcheen lu,
nel lo dii cheen lu za na yizhyo ne.
Nu snee yilo yaan na kwaan lu kwaan myaan na kwaan xuz lu Abraham.
4 Na le ke dii cheen lu gak kwent re mbal yiba nu za na rese yizhyo ne lo xaa.
Nu le na zee rese yezh gak wen kwent dii cheen lu,
5 nel mbin Abraham xtizh na nu mzob xaa kwaan mxaal na nu kwaan mla na lo xaa;
nu mbin xaa kwaan ngunabeyy na nu mseed xaa kwaan mlu na lo xaa.
—Lee me nak bzan na.
Nu nanzhét xaa sa xaa nel nzheb xaa.
Nu mle xaa xgab:
“Bek nak tub me chul doo nlu nu napa lee re xaa kayut na nu lake me kwaan re xaa”.
8 Gwluzh xeep,
Abimelec kawii roo bentant nu ta ngune xaa lee Chak ngezh Bek.
9 Zee lee Abimelec mrezh Chak nu nzhé xaa:
—¡At lee me nak sa lu!
¿Cho noon né lu lee me nak bzan lu?
Nu lee Chak mkeb:
—Na mle xgab,
napa lee re xaa ne kayut na kwent cheen me.
10 Nu lee Abimelec nzhé:
—¿Chozhiin kale lu kwaane lo nu?
Chol tub re xaa ne nkano me,
zee lu ngle zee ngle nu jwalt.
11 Zee lee Abimelec ngunabeyy lo re xaa yezh:
—Loka cho xaa nii lo xaa ne nu lo sa xaa,
zee yet xaa.
12 Nu leeka liin zee,
mgoon Chak yizhyo ba nu mtoop xaa yalgon kwaan mzaa tub gayoo bes lo tub ble kwaan mgaan xaa,
nel Xaa Tubka Nak mle wen lo xaa.
13 Snee mle Chak gan ngok rik nu mkano doo xaa zyen kwaan nu ngok non xaa.
14 Nu mkano xaa zyen doo mbakxiil nu zyen doo ngoon nu xaa nke zhiin lo xaa.
Kwaanzee re xaa Filistea ngok mbidyos lo re xcheen Chak.
15 Nu lee re xaa Filistea mtezhe re bzo kwaan mdeen re xmos Abraham.
16 Zee nzhé Abimelec lo Chak:
—Zyaa nee,
nel nzeyak lu tub xaa mas nonra ke nu.
17 Zee mroo Chak baa nu nya xaa naz Laach Gerar nu mlake xaa ngu xaa baa.
18 Gorna mbanaka Abraham,
zee mxaal xaa lak xmos xaa mdeen lak bzo,
per gorna ngulo ngut xaa,
lee re xaa Filistea ngutezheya.
Nu lee gorna mzhin Chak baa,
zee mdeen xaaya nu mloole xaaya mod mloole xuz xaaya.
19 Lee tub mbizh,
xaa nke zhiin lo Chak mdeen tub bzo lo tub laach nu nguga nis lo xaa.
20 Lee re xaa nkanap xpakxiil xaa yezh Gerar,
mdil kwaan re xaa nkanap xpakxiil Chak nu mbezh xaa:
—¡Nis cheen nuya!
Zee mloole xaa bzo zee “Dil”.
21 Zeera mdeen xaa nke zhiin lo Chak stub bzo.
Mbare re xaa mdil xaa lo bzo,
kwaanzee mloole xaaya “Cheldil”.
22 Zee lee Chak mbachii zee nu mbare mdeen stub bzo kwaan namdiltra xaa lo,
zee mloole xaaya “Yalnix”.
Nu nzhé xaa:
—Nal si,
lee Xaa Tubka Nak mzaa yalnix yoo na nee nu kano na zyen doo kwaan.
23 Nu baa lee Chak nya naz Beerseba.
24 Nu leeka yaal zee,
lee Xaa Tubka Nak mlu lo Chak nu nzhé xaa:
Na nak Xtios xuz lu,
Abraham.
Nazhebt lu,
na nzo kwaan lu.
Nu le wen na lu
nu le zyen na dii cheen lu
kwaan yalnkela cheen Abraham,
xaa na.
25 Zee lee Chak mdexkwaa lo tub mdo kwaan gool xaa lo Dios.
Nu leeka baa mzob xaa yoo ler cheen xaa.
Nu zee lee re xaa nke zhiin lo xaa mzelo mdeen stub bzo.
26 Lee tub mbizh,
lee Abimelec mroo Gerar nu ngwa xaa mdizh xaa kwaan Chak nu kwaan lee xaa ngwa Ahuzat,
xmigpa xaa nu Ficol,
xaa nabeyy lo re xsoldad xaa.
27 Lee Chak nzhé:
—¿Chozhiin nze lu lo na?
Kwaan nayii lu lo na nu mloo lu na xkizhyo lu.
28 Nu lee xaa mkeb:
—Ne na lee Xaa Tubka Nak nzo kwaan lu.
Nu mle na xgab cheroo lu lo re nu,
zee yaan be tub trat.
29 Lee lu nalet nik tub kwaan nawent,
nel re nu nakaniit lo lu.
Nu nebse kale nu kwaan,
zee wen kwii be.
Nu lee Xaa Tubka Nak kale wen lo lu.
30 Zee lee Chak nu xaa nke zhiin lo xaa mbit ma nu mle yalni.
Ndaw re xaa nu ngu re xaa.
31 Nu garziil doo nguxche rop xaa nu myaan rop xaa.
Zee lee Chak nzhé:
—Wen nya lu.
Nu lee xaa nzhé:
—Wen kwii be nal.
32 Nu leeka mbizh zee,
lee xaa nke zhiin lo Chak myaad mzaa kwent lo Chak,
lee nis ngulola nguga leen bzo kwaan kayeen xaa.
33 Nu lee bzo zee mloole Chak “Bzo pa myaan xaa”.
Nu axta mbizh nalzhe,
yezh kwaan nzob bzo baa le Beerseba,
kwaan nak Bzo pa myaan xaa.
Esaú mka chop ngwnaa