Re dii cheen Abraham nu Cetura
25
Abraham mkano stub ngwnaa me le Cetura.
2 Nu ngol re xgann xaa,
xaa le:
Zimram,
Jocsán,
Medán,
Madián,
Isbac nu Súa.
3 Jocsán ngok xuz Seba nu Dedán.
Lee re xgann Dedán ngok Asurim,
Letusim nu Leumim.
4 Lee re xgann Madián ngok:
Efa,
Efer,
Hanoc,
Abida nu Elda.
Rese xaa ba ngok xgann Cetura.
5 Abraham mlaa rese kwaan nzhap lo Chak.
6 Nu lo re stub naz xgann xaa,
Abraham nebse mzelazh kwaan nu leezha seetaka mban Abraham,
zee mloo xaa re xaa lo Chak nu mxaal xaa re xaa nya yizhyo pa nlen mbizh.
Abraham ngut nu mgaach
7 Abraham mban tub gayoo chon gal nzho chiin liin.
8 Nu ngox doo xaa ngut xaa nu mzhaal xaa kwaan re xey xaa.
9 Nu lee xgann xaa Chak nu Ismael mkaach xaa leeka pa mgaach sa xaa Sara,
leen yeer cheen Macpela,
kwaan nzhi gax xkizhyo Mamre.
Mzi Abraham yizhyo ne lo Efrón,
xgann Zohar,
xaa nak dii cheen Het.
10 Lee yizhyo kwaan mzi Abraham lo dii cheen Het,
baa mgaach Abraham nu Sara.
11 Ngulo ngut Abraham,
Dios mle wen kwaan Chak,
zee mlake xaa ngu xaa roo Bzo cheen Xaa Mban,
xaa ngwii lo xaa.
Re dii cheen Ismael
12 Kwaane nak kwent cheen re dii cheen re xgann Ismael,
xaa nak xgann Abraham kwaan Agar,
me mke zhiin lo Sara.
13 Kwaane nak le re xgann Ismael,
modxa ngol xaa.
Lee xaa yilotlaka ngol lo Ismael le Nebaiot,
zee nzha Cedar,
Adbeel,
Mibsam,
14 Misma,
Duma,
Massa,
15 Hadar,
Tema,
Jetur,
Nafis nu Cedema.
16 Re xaa ba ngok chiibchop xgann Ismael nu snee le re xaa.
Nu nabeyy xaa paro nzhaal xaa nu pa nzho xaa.
Nu kad tub xaa nabeyy xaa lo xaa xaa.
17 Liin kwaan mban Ismael ngok tub gayoo galbchii gazh liin gorna ngut xaa;
nu mgaach xaa paro mgaach re sawlizh xaa.
18 Re dii cheen xaa mri yizhyo kwaan xsaw yezh Havila nu yezh Shur;
nu lee Egipto nzhi stub ta roo nistoo nu Asiria nzhi stub ta.
Nu baa ngut xaa paro nzho re wech xaa.
Ngol Kob nu Esaú
19 Snee nak kwent cheen re dii cheen Chak xgann Abraham.
20 Nzho Chak choo liin gorna mka xaa Bek,
me nak xinn Betuel nu bzan Labán,
xaa Aram nu ngu xaa naz Padan-aram.
21 Nu lee Bek nagarlot kano mad,
kwaanzee ngunaab Chak lo Dios zee kano me mad;
zee lee Dios mbin xtizh xaa nu lee Bek mbeyxinn.
22 Zee lee me mzeen nzho chop mad lextoo me nu ndil mad lextoo me.
Nu nzhé me.
“¿Chozhiin mban na cheleeya sneeya?”
Kwaanzee nzhé meya lo Xaa Tubka Nak.
23 Nu lee Xaa Tubka Nak mkeb:
Leen lextoo lu nzho chop yezh naro,
chop yezh kwaan roxa,
xaa zeeraka gal
nu lee tub yezh ngezhra lo stub yezh,
per lee xaa yilo ke zhiin lo xaa gwluzh.
24 Lee gorna mzhin gor gal xaa,
zee ngol kwech xaa.
25 Nu ngol xaa yilo,
xaa mex na;
nu dub cho xaa nzeb yich mex nu mloole xaa xaa Esaú.a
26 Ngulo ngol Esaú,
zee ngol xaa mloole xaa Kob,b
nel gorna ngol xaa mzen xaa xancheeck nii Esaú.
Nu lee Chak nzho chon gal liin gorna ngol rop xaa ne.
Esaú mchee kwaan nyalzo
27 Nu nzhaxen rop xaa ne.
Lee Esaú mzhin ngok tub xaa nya lo re ma wen nu lee Kob nak tub xaa nlake yoo.
28 Chak nkerala Esaú,
nel nyula xaa nzhaw xaa re ma nzhut Esaú,
per lee Bek nkelara Kob.
—Naab na lo lu,
wech,
zee zaa lu cheep kwaan naxne kwaan kadexkwaa lu gaw na,
nel ya na nayetra na lo yalnlaan.
(Kwaanzee noka le Esaú Edom).c
31 Nu lee Kob mkeb:
—Per toga re kwaan yizo lu ka na,
kwaan nyizo re xaa yilotlaka.
32 Nu lee Esaú nzhé:
—Kwaanzee lu ne ke nayetra na lo yalnlaan.
Nu lee re kwaan yizo na,
nel nak na xaa yilo naleta zhiin lo na.
33 Nu lee Kob nzhé:
—Wlipa guzh nen.
Nu lee Esaú mcheroo nu nzhé:
—Wli naya.
Nu snee mzaa xaa re kwaan nyizo xaa yilo.
34 Zee lee Kob mzaa lo Esaú yat nzhobxtil nu tub yann zaa.
Nu lee xaa ndawa nu ngu xaaya nu nguxso xaa nu nzha xaa.
Nu nixa nanzakt xaa non ngol xaa yilo nu re kwaan nyizo xaa yilo.