Ngut Sara nu mgaach me
23
Sara mban tub gayoo galbgazh liin lo yizhyo nu ngut me.
2 Ngut me yezh cheen Hebrón,
kwaan nzhi yizhyo Canaán nu lee Abraham nzhonn nu nales doo nzhak lextoo nel ngut sa xaa.
3 Zee lee Abraham mroo paro nax me ngut,
zee ngwa xaa ngunii xaa lo re xtii Het.
4 —Na nak tub xaa nkanze lo re gu;
zee to gu tub chuut yizhyo paro kaach na sa na,
kwaan gak xcheen na.
5 Nu lee xtii Het mkeb lo Abraham nu nzhé xaa:
6 —Naab na lo lu,
xaa nabeyy,
kenzha lu nel lu nak tub xaa mleey Dios lo re nu,
kaach sa lu leen tub baa cheen nu,
kwaan nzhekla lu nu nik tub nu naniit lee lu kaach sa lu.
7 Zee lee Abraham mzoli nu mkichxub xaa lo re xaa yezh,
axta mla lachuzh xaa lo yo
8 nu nzhé xaa lo xaa:
—Nii na lo re gu chelee gu wlipa nzhekla gu kaach na sa na nee,
naab na lo gu,
nii gu lo Efrón,
xgann Zohar,
9 zee to xaa yeer cheen Macpela,
kwaan nzho roo xkizhyo xaa.
Na kixa paro nona,
zee sbaa kano na pa kaach na me.
10 Lee Efrón mzobka lo re xaa nzhi baa.
Zee mkeb xaa lo Abraham lo re xaa nu ngunii xaa nye,
zee nzho mod gon re xaa ded roo yezh re kwaan yé re xaa nak xtii Het,
nu nzhé xaa:
11 —Aa,
xaa nabeyy,
sbaasa zelazh na yizhyo nu yeer lo lu,
lee re xaa nak zhiin,
xaa nzo nee ne lee na zelazha;
kach lu sa lu.
—Kenzha gu kwaan nii na,
naab na zee kayaa lu demi cheen yizhyo,
zee nzho mod kaach na sa na.
14 Zee lee Efrón mkeb:
15 —Xaa nabeyy,
lee yizhyo non tap gayoo demi plat.
Nela rop be,
nagrot kwaan ba.
Gwa kaach sa lu.
16 Zee lee Abraham mkayaa pres ba lo Efrón delant lo re xaa Het nu mdix xaa demi plat.
Nu gorna mlab xaaya,
zee mbezha.
17 Snee lee yizhyo Efrón ngok xcheen Abraham,
yeer nu yizhyo nu re yag kwaan nzho naz Macpela,
paro nlen mbizh naz xkizhyo Mamre.
18 Nu re xaa ngok testig nak re xtii Het nu rese xaa nzeded leen yezh.
19 Ngulo mded kwaane,
zee mkaach xaa sa xaa leen yeer,
kwaan nzho yizhyo Macpela paro nlen mbizh,
tub pa le Hebrón kwaan nzho naz Canaán.
20 Snee mlake yizhyo nu yeer kwaan mto re xtii Het lo Abraham nu ngoka baa.