Abraham nzha teed Chak lo Dios
22
Nzha lak liin ngwluzh,
Dios nzhekla luu xomod ngwii Abraham lo xaa,
nu nzhé xaa:
—Abraham.
Nu lee xaa mkeb:
—Lee na neeka.
2 Nu nzhé Dios:
—Abraham,
bzen xgann lu,
xaa tuka lo lu,
Chak,
xaa tant nkedoola lu nu gwa yizhyo Moriah nu ted xaa lo na,
lo tub re yi kwaan nii na lo lu.
3 Nu lee stub mbizh garziil doo,
nguxche Abraham nu mchoog xaa zyen yag kwaa lo ki nu mlo xaa xab ngwes nu mzen xaa naz mod nzhé Dios lo xaa,
kwaan xgann xaa nu kwaan chop xaa nke zhiin lo xaa.
4 Lee mbizh yon,
Abraham mwii nu zit doo nlu yizhyo zee lo xaa.
5 Zee lee Abraham nzhé lo mos:
—Blake gu nee kwaan ngwes,
lee rop xgann nu ya yek yi yayoll lo Dios,
zeeta bare nu kwaan gu.
6 Abraham mzen yag nu mkeeya tich Chak.
Nu lee xaa mzen kuchi nu ki.
Nu rop xgann xaa mze ngwa yek yi.
7 Nu lee Chak nzhé lo Abraham,
xuz xaa:
—Pa.
Nu lee xaa mkeb:
—Lee na neeka.
Nu nzhé xaa:
—Lee ki nu yag nee,
per ¿ma mbakxiil yeen,
ma teed be lo Dios nal?
8 Nu lee Abraham mkeb:
—Xgaan,
leeka Dios zaa ma.
Nu sbaa nzha rop xgann xaa.
9 Lee gorna mzhin xaa paro nzhé Dios lo xaa nu mdexkwaa xaa tub mdo nu mlek xaa yag.
Noka mkado xaa Chak,
xgann xaa nu mzhib xaa xaa lo mdo.
10 Zee lee Abraham mzen kuchi nu mlep xaa yaa xaa nu nzha xaa teed xaa xgann xaa lo Dios.
11 Zee lee mandad cheen Xaa Tubka Nak ngunii naz leen yiba:
—¡Abraham,
Abraham!
Nu lee xaa mkeb:
—Lee na neeka.
12 Nu lee mandad nzhé:
—Nalet luya.
Nixa nik tub kwaan nalet lu lo xaa,
nel nela na lee lu nzheb ne na nu namyent lu xaa nak tuka xgann lu.
13 Zee lee Abraham mlep yek mlaach lee tub mbakxiil mach nzo nzho xkach leen ram yag.
Zee ngwa Abraham mzen mbakxiil nu mted xaa ma lo Dios xlugar xgann xaa Chak.
14 Nu mloole Abraham zee:
“Lee Xaa Tubka Nak Nzaa Kwaan Nkin Be”.
Nu axta mbizh nalzhe snee mbezh xaa:
“Lo yi cheen Xaa Tubka Nak,
nzaa kwaan nkin be”.
—Lee na ne namyent lu xgann lu,
xaa techose lo lu,
kwaanzee cheroo na leeka lo na
17 zee na nii wen lo lu nu le na zyen dii cheen lu mod re mbal,
ma nzob naz leen yiba nu mod yux kwaan nzhi roo nistoo.
Lee dii cheen lu dil kwaan xaa nayii ne xaa nu zle xaa gan lo xaa.
18 Nu rese yezh ndok lo yizhyo mkayaa kwaan wen cheen na kwent cheen lu nu dii cheen lu,
nel mbin lu xtizh na.
19 Zee lee Abraham mbare paro mlaz rop xaa nke zhiin lo xaa;
zee mbare xaa nya xaa naz Beerseba pa naz nzho Abraham.
Re xinn Nacor
20 Ngulo mded re kwaane,
Abraham mbin kwent cheen re xgann Nacor,
xaa nak wech xaa.
Lo xngwnaa xaa,
me le Milca,
ngol re xgann Milca,
xaa le snee:
21 lee xaa yilo le Uz,
lee stub xaa le Buz,
Kemuel (xaa ngok xuz Aram),
22 Quesed,
Hazo,
Pildas,
Jidlaf nu Betuel.
23 Betuel ngok xuz Bek.
Xon xaa ba mzan Milca lo Nacor,
xaa nak wech Abraham.
24 Lee Nacor mkano tap xgann lo Reúma,
me noka ngok stub sa xaa.
Lee re xaa ne le snee:
Teba,
Gaham,
Tahas nu Maaca.