Dii cheen Dan
5
Snee nak kwent cheen re dii cheen Dan.
Gorna mdexkwaa Dios myet,
mdexkwaa Dios xaa mod Dios.
2 Lee mbizh kwaan mdexkwaa Dios myet,
mdexkwaa xaa xaabyi nu ngwnaa.
Nu ngunii wen Dios lo xaa,
nu mloole Dios xaa myet.
3 Nu lee Dan nzho tub gayoo galbchii liin gorna ngol xgann xaa,
xaa nzhak mod lee xaa.
Nu mloole xaa xaa Set.
4 Ngulo ngol Set,
lee Dan mbanra xon gayoo liin nu mkanora xaa xgann xaa nu xchaap xaa.
5 Lee re liin kwaan mban Dan ngok yee gayoo galbchii liin.
Nu ngut xaa.
6 Set nzho tub gayoo gaay liin gorna ngol xgann xaa Enós.
7 Ngulo ngol Enós,
lee Set mbanra xon gayoo gazh liin nu mkanora xaa xgann xaa nu xchaap xaa.
8 Lee re liin kwaan mban Set ngok yee gayoo chiibchop liin.
Nu ngut xaa.
9 Enós nzho tapgal nzho chii liin gorna ngol xgann xaa Cainán.
10 Ngulo ngol Cainán,
lee Enós mbanra xon gayoo chiin liin,
nu mkanora xaa xgann xaa nu xchaap xaa.
11 Lee re liin kwaan mban Enós ngok yee gayoo gaay liin.
Nu ngut xaa.
12 Cainán nzho chon gal chii liin gorna ngol xgann xaa Mahalaleel.
13 Ngulo ngol Mahalaleel,
mbanra xaa xon gayoo choo liin nu mkanora xaa xgann xaa nu xchaap xaa.
14 Lee re liin kwaan mban Cainán ngok yee gayoo chii liin.
Nu ngut xaa.
15 Mahalaleel nzho chon gal gaay liin zeera ngol Jared.
16 Ngulo ngol Jared,
mbanra xaa xon gayoo galbchii liin,
nu mkanora xaa xgann xaa nu xchaap xaa.
17 Nu re liin kwaan mban Mahalaleel ngok xon gayoo tap gal chiin liin.
Nu ngut xaa.
18 Jared nzho tub gayoo chon gal nzho chop liin gorna ngol xgann xaa Nok.
19 Ngulo ngol Nok,
Jared mbanra xon gayoo liin nu mkanora xaa xgann xaa nu xchaap xaa.
20 Nu re liin kwaan mban Jared ngok yee gayoo chon gal nzho chop liin.
Nu ngut xaa.
21 Nok nzho chon gal nzho gaay liin gorna ngol xgann xaa Matusalén.
22 Nok mze xnaz Dios nu mzo xaa chon gayoo liin gorna ngulo ngol Matusalén nu mkanora xaa xgann xaa nu xchaap xaa.
23 Nu re liin kwaan mban Nok ngok chon gayoo chon gal gaay liin.
24 Mwii Nok lo Dios nu tub mbizh ta myetlo xaa lo re myet,
nel Dios mbe xaa.
25 Matusalén nzho tub gayoo tap gal gazh liin gorna ngol xgann xaa Lamec.
26 Ngulo ngol Lamec,
Matusalén mbanra gazh gayoo nzho tapgal chop liin nu mkanora xaa xgann xaa nu xchaap xaa.
27 Nu re liin kwaan mban Matusalén ngok yee gayoo chon gal yee liin.
Nu ngut xaa.
28 Lamec nzho tub gayoo tap gal chop liin gorna ngol xgann xaa Noé.
29 Nu mloole xaa xaa Noé,a
nu nzhé xaa:
“Xaa ne seleyy be lo re xchinn be lo yizhyo ne kwaan mxobde Dios”.
30 Ngulo ngol Noé,
Lamec mbanra gaay gayoo tapgal chiin liin nu mkanora xaa xgann xaa nu xchaap xaa.
31 Nu re liin kwaan mban Lamec ngok gazh gayoo nzho chon gal chiinmchop liin.
Nu gut xaa.
32 Noé nzho gaay gayoo liin gorna ngol yon xgann xaa:
Sem,
Cam nu Jafet.