Caín rop Abel
4
Lee Dan mchaal xngwnaa xaa Eb,
zee ngol Caína nu nzhé me:
“Kwaan yud cheen Dios,
Xaa Tubka Nak,
nkano na tub xaabyi”.
2 Nu zeera ngol wech xaa Bel.
Nu lee Bel ngok xaa nkanap mbakxiil.
Nu lee Caín ngok xaa mgoon lo yo.
3 Lee re mbizh zee lee Caín mbe tub gon lo Dios,
Xaa Tubka Nak,
kwaan mloo xaa lo xkalgon xaa.
4 Nu noka Bel mzhino tub mbakxiil,
ma narora nu ma yilo lo rese ma.
Nu mkayaa Dios xkon Bel;
5 nu lee xkon Caín namkayaat Dios.
Kwaanzee mrixyan Caín nu nayii nlu lo Caín.
6 Zee lee Dios ngunii lo Caín:
—¿Chozhiin tant nayii lu nu mrixyan lu?
7 Chelee lu le lu kwaan wen,
telise kayaa na lu.
Nu chelee lu le lu kwaan nakap,
lee jwalt nzo nkambaz lu kwenta tub ma nakap.
Nu lee re kwaane nzhaal nabeyy lu lo.
8 Per lee Caín nzhé lo wech:
—Ya be wen.
Nu gorna nzo xaa wen,
zee mkee xaaya yek Bel nu mbit xaa xaa.
9 Nu lee Dios,
Xaa Tubka Nak,
nzhé lo Caín:
—¿Ma wech lu,
Bel?
Nu lee Caín mkeb:
—Nanet na,
¿che na nak xaa nkanap wech na?
10 Lee Dios nzhé:
—¿Cho kwaan mle lu?
Lee xren wech lu ngunii lo na axta lo yo,
nel mxo lu xren xaa lo yo.
11 Lee nal xobde na lo lu lo yizhyo pa mxo xren wech lu,
xaa mbit lu.
12 Lee gorna gaan lu yizhyo zee nazaata xle gaw lu;
lee nal yanze lu lo yizhyo.
13 Nu lee Caín nzhé lo Dios:
—Gro doo gak bid kwaan deed na.
14 Nal texonn lu na lo yizhyo ne nu nazotra na lo lu,
zee nkin kaxlaan na lo lu nu gak na tub xaa nebse nkanze lo yizhyo.
Nu loka xaa yizhal na,
zee gut xaa na.
15 Nu lee Dios,
Xaa Tubka Nak,
nzhé:
—Wlipa na loka cho gut Caín,
gazh welt ded xaa bid.
Zee lee Dios mlo beey cho Caín,
zee loka cho ne lo xaa naguta xaa xaa.
16 Zee mroo Caín lo Dios nu nya xaa yizhyo Nod,
paro nzho re xaa nkanze,
naz paro nlen mbizh lo Edén.
Dii cheen Caín
17 Nu mchaal xaa sa xaa,
nu lee me mbeyxinn,
zee ngol Nok.
Nu mlek xaa tub yezh nu mloole xaa yezh zee Nok.
18 Nok ngok xuz Irad,
Irad ngok xuz Mehujael,
Mehujael ngok xuz Metusael,
Metusael nguk xuz Lamec.
19 Lamec nkano chop ngwnaa,
tub me le Ada nu stub me le Zila.
20 Ada mzan Jabal,
xaa ngok xuz re xaa ngu leen yoo ler nu xaa mxeen ma.
21 Nu lee wech xaa,
xaa le Jubal,
ngok xuz re xaa nzholl bagwel nu bzhik.
22 Nu noka Sila mzan Tubal-caín,
xaa nke zhiin lo brons nu lo re yiib.
Nu lee bzan Tubal-caín,
ngok Naama.
23 Nu zee Lamec nzhé lo rop xngwnaa xaa,
Ada nu Zila:
Kenzha kwaan nii na,
mbit na tub xaa nel mseweey xaa na
nu mbit na tub xaa mad nel mkee xaaya yek na.
24 Loka xaa gut Caín ded bid tub gazh welt,
lee xaa gut na ded bid gazh welt chongal nzho chii.
Xgann Dan rop Eb, xaa yon
25 Dan mchaal sa xaa,
zee mkano me stub xgann me,
xaa le Set.b
Nu nzhé me:
“Dios mzaa stub xgaan na,
xaa zonii Bel,
xaa mbit Caín”.
26 Nu noka Set mkano tub xgann,
xaa mloole xaa Enós.
Zee mzelo xaa mzeet xaa le Xaa Tubka Nak.