2
1 A zumhuai minamte aw,na vekun kikhawm un;
2 ansi bangin hong kizapkhiat ni ding
kiciangtan ni a tun ma,
TOPA hehluatna no tungah hong tun ma,
TOPA thangpaihna ni no tungah hong tun ma-in na vekun kikhawm un.
3 Leitung ah kiniamkhiatin
ama thupiak banga gamta note khempeuh aw,
TOPA zong un.Thumaanna zong unla kiniamkhiatna zong un;
tua hileh TOPA hehna ni ciangin
note hong kiliah kha thei ding hi.
Philistia Langah
4 Gaza kitaisanin
Ashkelon a siasa-in kinusia ding hi.
Suntangpi-in Ashdod hawmmang dinga,
Akron kibulkalh ding hi.
5 No Kereth mite aw, no tuipi gei-a tengte aw,
gimna nak thuak na nucia!
Philistia-te tenna nang Canaan aw,
nang langkhatah TOPA in thu gen zo hi.
"Nang kong susia dinga,
kuamah a kinusia nawn kei ding hi,"
6 Tuipi gei-a leitang, Kereth-te aa tenna teng,
tuucingte om nading le tuuhuang ding ahi hi.
7 Judah innkuan a omlaisunte in tuate a tang ding uh hi;
tualai lonona munin a zang ding uh hi.
Nitak ciangin amaute
Asklon-te inn sungah a lum ding uh hi.
TOPA amaute Pasian in kem dinga,
a mailam hun bb uah angei a bangsak ding hi.
Moab le Ammon Langah
8 "Moab-te in ka mite a simmawhna le
Ammon-te in a selnohna uh,
a gamte uh sutin
a elpaunate uh ka za khin hi.
9 Tua ahi ciangin Israel-te Pasian Thahatpen TOPA in,
"Ka nuntakna ka lo hi,
Moab pen Sodom tawh kibangin,
Ammon-te Gomorrah bang tektek ding uh a-
a gam uh bangmah a kimang lo
lopa bek pona cikhuk a suak den ding hi.
A baanglai ka mite in amaute manmang ding uh hi;
a omlai ka minamte in amaute gam a luah ding uh hi," a ci hi.
10 Thahatpen TOPA mite simmawhin ciamnuih bawl uh ahi manin
amaute kiphatna thamanin hihte a ngah ding uh hi.
11 TOPA in amaute gama pasiante a suksiat ciangin
amaute a lausak mahmah ding hi.
Tuipi mong khempeuh a minamte in
amau leitang ciat panin amah bia ding uh hi.
Cush Langah
12 "Cush-te cc aw, note zong
ka namsau in hong kithat ding hi."
Assyria Langah
13 Amah in leilu-lam langkhatah a khut zankhia dinga
Assyria susia-in
Nineveh nusiacip dinga
sehnel-gam bangin a keu ding hi.
14 Tuuhonte, bawnghonte le ganhing namkim
tua lai-ah a lum ding hi.
Sehnel-gam simbu le simbu awngaihte in
inn khuampi dawn giahna-in nei ding uh hi.
A khuan un kongvangneu ah thawnkhia-in
kongkalai-ah leisek tawng om dinga,
innkam a kikhung tamtak singte a kidawkkhia ding hi.
15 Bangmah a awlmawh lo
lungmuangtaka tenna khuapi hizahta a suak hi.
Tuanu amah le amah,
"Keimah bek, kei bang kuamah om kei," kici hi.
Tua khua nak siat nah e,
gamsate omna lah a suak tazen a!
Tua lai a tawnkha peuhmah in
selpho-in a khut uh lehsan uh hi.