Haggai
Thupatna
Jerusalem a saltaang Jew-te a ciah kik ding uh Cyrus in a phal 538 BC zawh kum sawm le giat pha khin hi. Mite amau inn ding a lam uh zo nai lo uh ahimanin Pasian’ biakinnpi lam zo nai lo uh hi.
Haggai thupuak ahileh Topa’ inn ding lam hunta hi. Joshua le Zerubbabel ukna nuai ah lam ding Haggai’ phut tentanna tawh kum 520-515 BC sungin kilamkik hi.
Haggai in mite tungah a lam ding uh biakinnpi pen i et ciangin a masa sang a neuzawk hangin a minthanna lianzaw ding hi, ci-in gen hi. Hih biakinnpi Pasian in minthanna tawh dim ahimanin hih inn lianzaw hi.
Athute tomlahna
Biakinnpi lam kik dinga sapna (1:1-15)
Biakinnpi thak ading lametna (2:1-19)
Thupha kikamciam (2:10-19)
A tawpna a Pasian’ gualzawhna (2:20-23)